DARIYA KEANASH蜜柑妹妹 臉頰部位毛穴修飾遮瑕化妝下地 25g

人人都想有零毛孔靚靚皮膚, 可惜大部份既朋友都會有毛孔粗大既煩惱!

除左 T字位既毛孔問題, 其實臉頰毛孔問題亦都困擾好多女生, 臉頰的毛孔粗大多因為缺水或者是隨年齡增加, 肌膚彈力流失而成的下垂水滴形毛孔, 缺水的話可以敷多d 水份面膜補救, 可是如果肌膚彈力流失就較難改善, 點好?

可以使用針對預防老化的精華素, 幫助刺激膠原蛋白增生, 令皮膚回復緊緻.
(例如: Orbis Pore Zone Control Essence 毛孔緊緻精華素 )

當然係未曾治到本之前, 大可以治標先!

例如使用今次介紹的DARIYA 蜜柑妹妹 臉頰部位毛穴修飾遮瑕化妝下地, 就是專門針對臉頰的毛孔問題了.



簡介:

自然柔嫩的膚色微粒粉末，利用光線反射，修飾凹凸、黑黑的毛穴，上妝更加完美無瑕，惹人厭的蜜柑頰再見！

- 臉頰部位專用，適合用來修飾遮瑕臉頰兩側部位的毛穴喔！
- 利用光線反射搭配柔焦微粒粉末，肌膚明亮、無瑕。
- 含有球狀的皮脂吸附粉末及防崩妝聚合物配合，長時間持續修飾，不易脫妝。
- 綠茶萃取緊緻成分，粗大毛穴對策。
- 膠原蛋白保濕滋潤成分，兩頰臉側不易乾燥脫皮、屑屑。
- 無香料。

內容量：25g (HKD 108)

使用方法
基礎保養以及化妝下地整理肌膚後，取適量的遮瑕乳，輕輕塗抹於臉頰兩側在意部位即可。



膚色的化妝下地, 適合大部份膚色.



以下是試用照......


使用前, 可以看到毛孔明顯. (大粒個D是暗瘡疤來的... 沒救)



使用後, 毛孔變得不明顯, 而且平滑左, 摸上手都好滑, 膚色平均左 :)
如果唔化妝, 就咁用佢都 OK, 效果自然.



確實, Keep得唔錯, 用左8小時, 摸到皮膚仲係嫩滑的 :)


------------------------------------------------------------------------------------
補充資料:

DARIYA KEANASH草莓妹妹 T字部位毛穴修飾遮瑕化妝下地 15g (HKD 105)

- T字部位專用，適合用來修飾遮瑕鼻頭、鼻翼及額頭部位的毛穴喔！
- 含有球狀的皮脂吸附粉末及防崩妝聚合物配合，長時間持續修飾，不易脫妝。
- 綠茶萃取緊緻成分，粗大毛穴對策。
- 無香料。

內容量：15g

使用方法
基礎保養以及化妝下地整理肌膚後，取適量的遮瑕乳，輕輕塗抹於T字部位即可。

CandyDoll LipConcealer 唇部遮瑕液

(HKD 148)


日本大熱 CandyDoll Lip Concealer 唇部遮瑕液, 唇色較深的女生想化 nude 咀 或者淺色唇彩, 一定要試下呢隻!
含保濕成份, 唔會令個咀乾爭爭.

即刻開始試用:

(1) 我的唇色係咁既, 紅紅地, 搽唔到d好淺色既唇彩.



(2) 用遮瑕液點幾點在唇上, 用海棉印開去.



(3) 明顯地淡左色, 但未得住.......



(4) 再直接用遮瑕液的棒棒由唇的中心向左右掃開, 唇邊可以塗過界....



(5) 跟住亦都用海棉印開d遮瑕液, 睇下下圖, 都遮到8-9成唇色!



(6) 試搽粉紅色既 lipgloss 先 , 我用Chanel, 效果雖然唔夠 juicy, 不過就搽到隻 lipgloss既原色, 如果唔用遮瑕液, 會深色左架 :p
**CandyDoll 有出埋粉紅色 lipgloss的, 用個一隻既話, 效果應該係最好既 :)



(7) 改用"攻唇"裸色 lipgloss, "令身"好多, 效果幾好喎, 果然做到真正的 nude 咀喎~ :)



使用心得:
- 記緊無論遮瑕液 或是 lipgloss , 一定要先點在唇的中心, 再往左右2邊掃開.
- 搽 lipgloss盡量輕力, 唔係d 遮瑕液會被抹走.
- 選用 "令身" d 既 裸色 lipgloss, 就唔會"病樣", 仲覺得 Sexy d!
- 搽裸唇色, 配合濃d同深色既眼妝就最perfect 喇!
- 勤力搽潤唇膏, 多 d 做唇mask, 減淡唇紋, 就可避免d遮瑕液"卡"在紋路之中.
(簡易唇膜 : 用小刀 cut 2-3 塊潤唇膏薄片出黎, 敷在唇上, 用保鮮紙蓋住, 再用熱毛巾覆蓋10分鐘)

以上是我的小小試用心得, 大家如果買左既, 除左同牌子既 lipgloss 外, 仲可以試下配合不同既 lipgloss, 可能有意想不到既效果架!

補充資料:
Candy Doll lipgloss (Candy Pink) HKD 148.

Chacott for Professional Enriching Powder HD 高清蜜粉 30g

大家都可能有用過或者聽過Chacott 既蜜粉好好用, 佢而家出左 "HD 高清蜜粉" 喇~

30g (HKD 188-)

三色選擇 (由左起)

771- Natural 自然色 (略帶紅)

774- OC-1 淺膚色

773- Clear 透明色

今次試用#773 透明色 :)

無閃既.

呢隻手背未試的, d青根好現形, 有d 色班.

呢隻手就掃左少少高清蜜粉, 睇下~ 好明顯 d青根遮左唔少, 膚色都平均左好多,

而且顏色唔會死白, 效果幾自然 :)

D 粉都好細緻, 果然係HD.


我連續用左 5日, 保濕力係唔錯, 即使呢幾日天氣咁乾, 都唔會化左之後猛猛緊, 上完妝係"霧面"既, 建議加少少胭脂做返d光澤, 好似以下張相咁, 我掃左 "美肌一族"既粉橙色胭脂, 淡淡地色但加左D光澤, 咁個妝就會立體D~

同普通版蜜粉一樣, 有良好既定妝效果, 個妝化一日都唔會點甩, 不過要注意粉底液唔好搽過量係鼻翼位, 否則再搽蜜粉又出左D油可能會"卡"粉 (我其中一日就係咁).

其實因為CHACOTT 都好遮瑕, 粉底液搽薄薄地都無咩問題既~

補充資料:

美肌一族 柔嫩光澤愛戀立體腮紅(珍珠粉橘) 5g (HKD 95)

Chacott for Professional Finishing powder (黑色蓋) 30G (HKD 120)

白元 - 溫感保濕暖霜

今日天氣又轉冷, 天文台話聽日最低得13度, 咁凍點算先?

我一向中意用暖貼(簡直係偉大發明), 今年就試下用呢隻白元 - 溫感保濕暖霜, 唔駛貼, 係搽既!



30g (HKD 48)

細細支, 方便擺落手袋隨時補搽!


吱出黎係咁既, 杰杰地既乳液狀.


吱一粒珍珠大小既份量, 薄薄地平均搽係想暖d既地方例如手手腳腳就得 , 呢D地方暖貼都貼唔到既, 而家有白元暖霜 , 配搭暖貼一齊用, 真係落雪也不怕呀~ :)

一抹開都 feel到有d熱熱地咁, 搽好之後就係暖暖地咁, 搽係對腳到先穿 leggings 效果最好, o岩哂愛著裙既朋友~
反而搽係雙手又唔戴手套既話效果就麻麻地喇, 我估佢係要用衣服蓋住d皮膚中間隔住d空氣, 效果先發揮得好.

雖然佢都有d保濕成份, 但如果皮膚已經好乾就請先搽其他保濕 lotion 先再用白元 , 否則佢既發熱成份就會刺激左少少, 可能會" 那那地", 請留意使用喇 :)

仲有就係唔好搽太厚, 因為佢唔係一隻會"吸收"入皮膚既CREAM (以發熱為主), 搽太多會"笠笠地"架!

如果唔想冬天著都成隻糭咁, 或者天冷都中意著裙既朋友, 一定要試下佢喇 :)

補充資料:

- 嬰幼兒請勿使用。
- 若皮膚上有傷口，發炎，青春痘，濕疹等症狀，請勿使用
- 不慎滲入眼睛請使用大量清水沖洗。
- 請勿食用或放入口中。

Palty Solid Fragrance 誘惑香水香膏 (果香精靈)

自從前排試用過Jill Stuart 既護膚品係野莓味之後, 我就愛上左個種味道~
潤唇膏都要買 berry 味, 咁巧合今次試用既香水膏又係berry 味架喎 :)

呢隻係 "Palty Solid Fragrance 誘惑香水香膏" , 佢有2隻味既, 分別係 "天使" 同 "惡魔"
天使係花香味 , 惡魔就係果香味.
25G (HKD 118)

惡魔 天使

我就選左惡魔既果香味來試用~

睇下包裝先, 桃紅色膠盒上有鏡面字樣同花紋, 簡單可愛, 但膠盒設計略微差 D 質感唔夠豪華.

打開睇睇, 白色膏狀, 質地偏硬身, 份量都幾多, 有排用喎 :P

隻味我覺得真係好好聞, 唔知各位有沒有聞過Escada既香水, 佢就類似Escada個種酸甜既芒果 + 野莓既香味, 但又不會 Sweet 過頭, 好易接受架!

我習慣搽係頸, 手腕, 想濃d味就搽多d, 呢隻香水膏搽左唔會"痴立立"的.(我用過Loccitane係有d"立"架)

據我觀察香味可以維持約 4小時, 唔算 long lasting, 不過基於佢一細盒好輕巧, 可以隨時補搽都得.

同埋佢d香味唔算散發得好勁, 通常要同你接近一米左右既人先會聞到, 比普通香水含蓄d, 除左去街街用, 返工返學搽都無問題喎 :)

Albion Exage White Clear Cleansing Oil (循環美白卸妝油)

相信很多朋友家中用得最快的保養品, 一定是卸妝洗臉產品!

之前介紹過的花王Curel 洗面 gel 我已經用完, 新買的玩具是在日本和台灣也有好評的品牌 Albion (艾倫比亞)

Albion 的明星產品是Essential Skin Conditioner 健康化妝水, 我暫時就未用過, 因為價錢都不便宜, 但傳聞效果就十分好喇, 用完手上的化妝水可能敗支回家 :p
今次先從較便宜的卸妝油入手吧!

其實Albion 本身有多個系列, 而且每條line 也有出卸妝和洗臉產品, 我們的店長就暫時入左 "Exage White" 呢個系列既部份產品.


(Copy from official site)

我就買左呢支卸妝油喇~ 200ml (HKD 280)



淺黃色的卸妝油~


先來少少資料先:

美容成份: 白氨基酸, 維他命C 誘導體, 龍膽精華, 葡萄多酚
細胞賦活: 山金車花, 米糠油
洗淨: 鱷梨油<---有力卸除彩妝和毛孔污垢.
消炎: 甘草酸洐生物<---鎮靜肌膚
柔軟: 紅花油 <---增加輕柔觸面, 用後實際感受到舒適感.
去除自由基: 葡萄種子油 <--抑制皮脂氧化, 創造不易出問題的膚質.

我已經實際使用一星期, 基本上都幾滿意, 首先最重要既當然係要強力卸妝功效啦, 我用卸妝油一般都唔會再另外卸眼妝, 永遠係一TAKE過, 咁Albion 呢隻都合格, 我用Fairy drops mascara, 都可以落到, 不過就要比少少時間去按摩下先用清水乳化, 咁就乾淨哂. (我既心得係, 愈濃妝就愈要按摩耐d, 等d油有足夠時間溶解d化妝品 .)
卸妝油唔小心入左眼都唔會話刺激澀眼, 算幾溫和架~ 用完塊面確係柔軟左, 同埋會白淨dd, 感覺都唔錯.

因為我習慣用完卸妝油都再用洗面膏, 所以就唔係太在意乳化後油唔油既問題, 但係Albion 就都唔會話好油, 我覺得可以接受既 :)
仲有佢有淡淡的香味用時幾 relex~

如果要比較其他我用過既牌子, 我覺得佢好過 Shu , 效果會同Fancl 差不多, 但Albion 就有美白抗氧化等等既功能~