2009年3月31日星期二

造型 Item 之 帽子

[Bless] Castro cap , 型格黑條子


今日試用文暫停 轉下話題講 "帽".


香港女仔最中意既帽款, 唔駛問首選 梗係Cap 帽啦, 又型又可以遮太陽, 怕曬人一定要有!

除左一向受少女愛戴既貨車帽(Lorry cap), 軍人帽(Castro cap)都好 hit 架!
2種都可以襯T恤牛仔褲, Street fashion 必備!

我係日本網頁到都睇中左 d 款, 同大家 share share !


[Bless ] Castro cap 紅條都好sweet bor!


[Barbie] 好靚既粉紅色!! 難以抗拒!!

[Album] 呢個牌子d 帽都幾靚, 呢頂珠片 "I love hug" 簡單得黎幾型又好襯!
[Album] 呢頂既爛邊 details 位幾特別, 淺花灰色都少見! 我中意呀~
[Gilfy] 個字型好女仔, 都係少見到既款~!


以上圖片來源: http://gw.tv/fw/ <----好多日本潮流牌子, 各位有時間可以睇下!

2009年3月27日星期五

日本ROSETTE 法式洗顏系列之完結篇



Rosette 系列中既最後一樣 - 保濕洗面奶 (180ml HKD 158)

包裝同潔膚水非常相似, 購買時請小心辨認喔 :P

同之前既按摩霜, 潔膚水既成份含有d唔同, 包括天然植物橄欖油、薰衣草精油、蜂王漿萃取以及高麗人參萃取精華等... 招牌的香薰氣味, 對敏感同埋疲倦既皮膚都好有幫助, 保濕方面就會高過按摩霜少少, 特別適合乾性皮膚!

質地是偏"結身"既乳液, 泵2-3下係手, 輕輕按摩面部約30秒, 之後用棉花抹乾淨, 淡妝都可以清除, 佢寫就話不須用水沖洗, 但我覺得起碼都要用濕左爽膚水既棉花抹多次先會清爽, 否則會有D殘餘唔係咁舒服, 可能因我不是乾性皮膚吧?

連續3款潔面用品, 若你不知道如何選擇可參考本人的小總結:

*按摩霜 : 潔力強, 洗面同時按摩兼令面色紅潤, 但使用時間會長一點(約3-5分鐘)

*潔膚水 : 潔力一般, 但兼具化妝水的美肌功能, 懶人最愛! 清爽的使用感很適合混合 - 油性皮膚.

*洗面奶 : 潔力中等, 保濕效果最好, 適合乾性皮膚或冬天使用.

2009年3月24日星期二

日本ROSETTE 法式洗顏系列之二


前文提到日本ROSETTE的按摩霜比較適合晚上使用,
本文會介紹同系列的另一樣產品 :

保濕潔淨化妝水 (150ml HKD138-)

簡單黎講佢是一支卸妝水, 不過加入左薰衣草水、迷迭香萃取物、母菊萃取物以及金縷梅萃取物等美肌成分, 令佢係卸妝之餘仲可以順便當埋爽膚水, 有保濕, 調節油脂分泌, 鎮靜, 舒緩敏感...等效果, 方便快捷, 用後不用過水兼絕對清爽!

如果你係乾性-中性皮膚, 係早上油脂不太旺盛, 可以用呢支代替洗面膏同爽膚水.
又或者係晚上落妝之後用佢黎加強清潔, 若是淡妝的話更可直接用佢落妝 (濃妝請用同系列的按摩霜 見前文)

另外夏天如果出街塊面成日出汗出油 " lup痴痴", 亦可用樽仔裝少少化妝水出街, 用棉花抹乾淨塊面先補妝, 可以減少出暗瘡既機會, 而且曬得勁既話仲可以順便舒緩保濕下.


總括黎講呢支水是都幾實用, 而且香味自然relex, 美中不足係150ml容量比較細支, 如果早, 晚, 出街都用既話1個月一定用哂, 要時常入貨.

2009年3月21日星期六

日本ROSETTE 法式洗顏系列之一


HKD 198-

曾經有一段時間沈迷香薰這玩意兒, 很認真的去學習香薰治療, 現在也會經常運用薰衣草, 茶樹油, 佛手柑...等等作美容或是日常使用 (例如傷口治療, 平衡情緒..)

由於已經習慣使用純淨天然的香薰油, 像玫瑰或是常用的薰衣草香味我比較注重, 明顯是人工香料的保養品我很抗拒, 而市面以香薰作賣點的產品之中, 這次介紹的這一款我認為氣味很天然, 沒有人工的俗氣, 高雅的薰衣草香氣, 使用起來感覺很relex!

日本ROSETTE株式會社出品 - 法式洗顏-保濕柔潤擦拭型卸妝按摩霜

名字有點長 :p

看看她的資料...

法國女性的新洗顏法, 取適量乳霜輕柔按摩面部後, 用化妝棉溫柔擦拭乾淨, 彩妝及髒污全潔淨!
因為不需用水清洗, 可避免因為泡沫和沖洗的關係, 讓肌膚感到乾燥不舒適.

*無著色, 無礦物油, 不會阻塞毛孔.
*含有天然植物橄欖油、葡萄籽油、薰衣草精油、白樺樹液以及高麗人參萃取精華等美肌柔潤成分配合.
* 乾燥型, 敏感型肌膚適用, 低刺激性.
* 成日坐係冷氣房既OL, 捱夜疲倦的肌膚必定要試下!

一罐份量, 如每晚使用大約可以用1個半月.


像這樣的份量足夠按摩全面了.


水分包裹住油分的質地, 明明是乳霜, 但按摩後會變成油狀, 神奇!
我都是打圈按摩:
面頰--->鼻子--->額頭--->下巴--->眼部
她可以卸妝, 而且很乾淨, 睫毛液都卸到令我驚喜, 基本上係唔需要再用洗面膏洗多次.
(防水防油個d 超級防水睫毛液請另用卸妝品)
根據說明佢不用過水, 我只用棉花濕d 化妝水抹去按摩霜(油), 感覺良好不會油膩, 皮膚變得柔軟, 加上按摩後面色紅潤, 唔錯!
呢隻按摩霜我覺得晚間使用好d, 咁朝早用咩好呢?
同系列仲有cleansing water 同milk, 等我試清楚後再為大家報告!!

2009年3月19日星期四

Angel Heart & Juicy Jewel



揭開4月份既中文版 Mina, 睇到一篇名為"美麗女孩的私密Beauty 調查", 我最中意睇呢類報告 , 當然不忘睇睇有d咩好物香港會有得賣啦~

其中見到小小一段講"超受男性歡迎的少女香氣", 係Angel HeartJuicy Jewel 喎, 即刻又上網睇下有咩咁吸引, 同大家share下先!

4月份中文版Mina , covergirl 是人氣女優宮崎葵, 她的樣子好像變左....
這一段講"超受男性歡迎的少女香氣"


這一款是Angel Heart, 日本d香水好興以 "小惡魔" 同" 天使"做主題, 即係 sweet 得黎又sexy, 通常以果香為主, 味道清新又易接受!

香水瓶是一個大紅心!

香調: 甜美花果香調
前味: 桃子 、 杏桃 、 柑橘 、 橙
中味: 萊姆 、 依蘭 、 玫瑰 、 茉莉 、 紫羅蘭
後味: 檀香 、 香草 、 白麝香

上網睇到d女仔仲想要儲一套, 因為成個系列有8款不同色不同香味的心心!
其中有2-3款男裝香水名為"Lion Heart" (Smap 的歌名?)


官網有更多香水, 沐浴露等等...既選擇, 按這裡!



******************************************************************
跟住呢隻Juicy Jewel, 我覺得個包裝係超級靚呀!!!!!!!!!!!!!!!!!

不過就沒有Angel Heart咁多味道選擇, 我睇到好像只有3款 (其中一隻是惡女花魁限量版)
而且找不到官網....資料有d亂! 有錯請多多包涵~

Juicy Jewel

(前調) : 桃子,鳳梨,黑醋栗
(中味) : 茉莉花,薔薇,荷花
(後調) : 麝香,琥珀,香水花



Juicy Jewel - Secret mode


(前調) 草莓,菠蘿,熱帶水果,黑茶
(中調) 紫羅蘭,鈴蘭,茉莉,蓮花
(後調) 焦糖,麝香,琥珀,檀香木
有問題歡迎留言~

2009年3月16日星期一

日本花王 Curel Ceramide Care Trial Kit





你有敏感肌的煩惱嗎?


使用不適當的護膚品, 天氣轉變, 乾燥, 衣服毛料等等...都可以是引發敏感肌的原因, 在肌膚不穩定的情況之下, 除了遠離致敏源之外, 還需要改用專為敏感肌而設的護膚品以減輕皮膚不適的情況.

日本花王 Curel 系列, 專門為敏感肌而設, 產品由洗頭水, 沐浴露, 面部保養品, 防曬潤色乳液也有齊, 全面照顧皮膚敏感的人士, 而且男女合用喔.

在日本的藥房一定看得到她們的影縱, 不少女生都當手信買返黎香港, 好用程度可以想像~



今次介紹一套超值體驗20天套裝 (HKD145)

份量十足, 包含:
- Curel Make Off Gel 卸妝o者喱 30g
- Curel Wash 潔面泡 90ml
- Curel Lotion 爽膚水 30ml
- Curel Milk 乳液 30ml

*套裝分2種, 可按自身情況選購 :)
II 號 - 一般保濕效果
III 號 - 加強保濕效果 (乳液會改為保濕 cream 10g)




Curel Make Off Gel 卸妝o者喱, 之前已經介紹過(按這裡), 是系列中的明星產品, 未用過的朋友當然要試下啦! **這是新包裝.


凝露狀的卸妝o者喱, 好推開不會拉扯到幼嫩皮膚! 一般彩妝可完全卸除, 但防水產品不能!


大大支的潔面泡, 無香料, 潔面效果溫和, 用後不會"猛猛緊"!


一吱出黎就是結實的泡沫, 十分方便!

睇雜誌講, 泡沫愈細緻, 洗面按摩時對皮膚的傷害就減到最低了!

(所以大家用洗面膏時一定要耐心打出泡沫喔!)


Curel Lotion 爽膚水, 無色無味, 可軟化角質層, 保濕!
使用時可以不用化妝棉, 直接倒在手心, 輕按面部至吸收, 減少因磨擦引起的刺激.
如果突然敏感痕癢, 可輕拍在敏感位置舒緩一下!


最後一步就係Curel Milk 乳液, 偏水狀的無油保濕乳液, 易推好吸收, 每次只用一粒"黃豆"份量已足夠全臉, 薄薄搽上一層, 不會侷促或者"lup 痴痴", 保濕效果持久!

推開後水感極重, 輕力按摩就吸引哂!


大家有時間可以睇下官網這一篇 how to care 學習一下敏感肌既護理手法, 用起上黎就更有效喇!

有問題歡迎留言, 謝謝!

2009年3月12日星期四

牛乳石鹸 無添加卸妝油


150ml HKD 88-

版主早兩個星期去左日本搵新貨, 一次過攞左6隻洗面卸妝用品俾我試.....仲好像陸續有來....
我有一日會成為"潔面達人"嗎?

今次介紹一隻不含礦物油, 色素, 香料, 防腐劑...即是無添加的卸妝油俾大家!

有些女孩用卸妝油會容易生暗瘡同敏感, 對卸妝油敬而遠之!

其實原兇就是礦物油喇, 因為礦物油是一種"以油溶油"既物質, 雖然卸妝功能看起來好強, 但佢會阻塞毛孔, 一旦洗唔乾淨或者乳化程序唔夠徹底, 就會導致暗瘡問題.

所以而家好多品牌都會用不含礦物油黎做賣點, 對皮膚真係好d架!

呢支卸妝油就改用植物性油去代替礦物油, 成份天然連敏感皮膚都用得, 唔小心入左眼都無覺得唔舒服, 唔會"那"眼喎.

而佢既卸妝力亦拍得住礦物油, 泵2-3下既份量, 乾手乾面按摩10-15秒左右, 用溫水加以按摩並乳化, 之後過水, 防水睫毛液呀, 厚厚既底妝, 眼影眼線....通通乾淨哂, 用完亦唔會有"油淋淋"既感覺架, 唔洗重複用洗面膏洗多次, 減少左對皮膚既刺激.

另外, 長期使用含礦物油既護膚品會令皮膚變乾燥, 所以用呢類植物性卸妝油相對黎講就有護膚既作用, 特別係對乾性皮膚黎講, 用左就會有明顯分別喇~!

官網: http://www.cow-soap.co.jp

2009年3月10日星期二

日本人氣牛乳石鹸香皂

由日本"牛乳石鹸共進社" 早在1928年開始生產既牛乳石鹸香皂, 係當地可以講係家傳戶曉!
經多年不斷改良, 不被沐浴露取代之餘, 更獲選為mailto:2008@Cosme 最佳身體清潔用品, 証明年輕一代的女孩都相當推薦!

牛奶成份有美白肌膚功效, 長期使用下來, 美白之餘仲可以預防背部暗瘡, 因為佢既潔淨力非常好,
油脂和老舊的角質全部可以輕鬆洗掉! 白滑的肌膚在夏天著吊帶背心就最完美喇!

呢個系列有紅色(赤箱) 藍色 (青箱) 2種, 前著滋潤 creamy , 後者清爽!

我係冷天時小腿會乾燥甩皮, 試用左"紅色" 幾日, 沖完涼沒有搽任何 body lotion, 無甩皮亦唔覺得乾, 但係就比起用沐浴露乾淨好多, d 皮脂唔駛用磨沙都洗走哂!
香味仲好持久, 用完幾舒服架 :)

官網: http://www.cow-soap.co.jp/web/products/bland/akabako-aobako-sekken/

樸實的紅色盒裝~ HKD 25 一大舊!


純白色的香皂, 有濃郁的香氣!


可以看到尺寸不小!

2009年3月1日星期日

Beauteen 染髮系列 染髮劑 (updated on 4.3.09)

Beauteen X 日本人氣漫畫家矢澤愛的染髮劑, 每種顏色也有不同款式插畫, 讓秀髮像漫畫人物般擁有屬於自己的色彩及風格!

**矢澤愛的人氣漫畫包括曾拍成話題電影的"Nana"**

這款染髮劑的色彩選擇非常多, 由最受歡迎的奶茶色到獨特的紫色, 灰色, 甚至粉紅色也有喔!

日本雜誌Mini 的 3月號(中文版), 剛好有Beauteen染髮劑的專案 :)



左: Beauteen 染髮劑示範 右: 花王Prettia 泡沫染髮劑示範


模特兒示範的是紫色~


我的示範色是 "Rich Maple Tea 楓茶色", 就是這一盒~!


【商品內含】 HKD 80-
1. BEAUTEEN 染髮 1劑(非處方成分)40g
2. BEAUTEEN 染髮 2劑(非處方成分)80ml
3. BEAUTEEN 染髮用美容液 (洗不掉的營養成分) 5ml



說明書, 基本上看圖都明! 附有一對手套.

操作方法同一般乳霜染髮劑:
1) 先把1號染髮劑 (橙色牙膏狀), 加入2號染髮劑(膠樽乳液狀) 之內, 把樽蓋扭實, 上下搖30下左右至完全混合.
2) 之後把膠蓋換上附有的"膠刷頭", 之後平均地塗抹上頭髮, 接近髮根的部份要仔細塗抹避免顏色不平均.
3) 等20-30分鐘就可以沖洗, 沖走哂 d 染髮劑, 之後好像平時咁洗頭.
4) 唔駛落護髮素, 因為佢附帶一包 "染髮用美容液", 洗完頭用毛巾抹走多餘水份後, 搽上頭髮, 之後等頭髮自然乾或風筒吹乾都得.
5) 完成!

*染髮前請戴上附帶的膠手套, 拿不要的舊毛巾或是膠台布圍在肩上以免弄髒衣物.

我本身的頭髮是帶少少啡的, 染完之後就是...下圖.
不誇張的自然啡紅髮色, 髮質完全不會受損喔, 而且"完成後的顏色跟包裝上的像真度90%!
我自己就覺得好滿意喇~! 上班亦不會誇張 :)
以下是在早上室內拍攝效果...


以下是晚上白燈下的照片...

以下是早上陰天 + 白燈下的效果....


以下是黃燈下的效果....

・染後的髮色,會根據染前的髮色、髮的受損程度、髮質、室溫,放置時間的不同而不同。
・本產品不是供白髮者使用。用於白髮後,會變得有點淡黃色。
・使用的時候必須讀清楚注意事項。因操作錯誤也可導致染髮失敗。
・生理週期、懷孕、生病期、病後恢復期等,可能會導致皮膚過敏,請不要使用。
・嬰幼兒請不要使用。・發現頭皮異常或其他異常請停止使用。