2009年8月27日星期四

Jill Stuart 5 週年限定商品

雖然我地Cosmeticsbb無再入佢既產品,
不過我見 5 週年限定商品好靚, 同大家分享下d 圖片!

真係好靚呀~~



美肌一族 肩頸保濕mask

繼續介紹將於9月15日公開發售的新產品 :

君島十和子監督的 "肩頸保濕mask"

上次都講過君島十和子係一個年過40既靚太, 絕不容許頸紋暴露左佢年齡既秘密, 所以就推出呢款頸部保養mask, 等容易俾大家忽略既肩頸都可以靚埋一份!


透明既保濕精華, 無香味的, 攤開原來好大塊, 佢既設計係可以敷埋前胸以上既地方, 唔單止係條頸架, 都算照顧週到.

其實頸位唔係咁易貼得實塊mask, 地心吸力會令佢不斷向下跌, 我要訓係到先敷到10分鐘, 即係唔可以敷住黎上網.... 要全程relex休息.

呢塊mask 既精華唔及美肌一族平時d面膜咁多, 可能條頸唔駛太滋補掛.

用完我建議用濕毛巾抹淨d 吸唔哂既精華, 唔係條頸痴笠笠咁點著衫呢.

我條頸本身無咩問題, 敷左一次所以暫時又無咩特別感覺.....

不過市面上照顧肩頸既護膚品唔多, 在意頸紋既朋友都可以試下的.

2009年8月25日星期二

Deonatulle SOFT STONE 止汗膏



市面上有千千萬萬咁多種止汗劑, 本人就唔多中意用噴霧, 因為通常陣香味都好假.
我一直用開止汗水晶, 其實都好滿意, 無色無味, 不過就要濕水用, 未算最方便.

Deonatulle SOFT STONE, 呢隻係日本幾好賣既止汗膏就合乎我既要求喇.
HKD 95 (拍賣)

原來佢連續2年在日本美容網COSMO 取得Body care 部門 既大賞,
雖然唔係新產品, 都介紹一下俾大家.

直接搽係腋下即可, 無色, 少少薄荷味, 減少出汗, 強力消臭, 早上搽左就可以全日保持清爽.

記得搽之前要先抹淨皮膚上的皮脂同汗水, 效果最好.

另外脫毛後都可以立即使用, 無酒精成份不會刺激幼嫩肌膚.


除左腋下止汗, 其實我更加重視足部既清潔, 夏天D鞋好多時唔方便著襪, 但又熱又出汗, 唔覺意著左D 膠質地唔透氣既鞋就仲斃....臭死人...

所以我就好想試下呢隻同廠既足部制汗專用乳膏!
(強烈要求店主入貨 XD)


聽講都幾好用, 有機會試過再同大家報告!



2009年8月20日星期四

新品發表 美肌一族 x 君島十和子保濕面膜

價格未定.

美肌一族將於 9月15日 一次過推出 四款 mask, 除左今次率先試用既保濕面膜之外,
仲有新嘗試包括: 頸膜/ 腳膜/ 手膜, 我會陸續係發售日之前介紹俾大家, 等大家睇定黎入貨~

今次既面膜係由一位日本前model, 現為人妻有2個小朋友但依然 keep得好好既君島 十和子小姐所監督, 佢本身亦都有用自己做生招牌既護膚系列, 仲有出事教扮靚,
日文我就唔識睇喇....但見佢d 相片就真的唔似43歲, d皮膚又白又滑, 雖然d相亦少不免photoshop過, 不過君島 十和子小姐都確實係靚太一名.

閒話短說, 試下好唔好用先真!
以保濕黎做賣點, 絕對唔係咩新鮮事, 但係要真正俾到水份皮膚又唔會過笠就難搵D,
唔知呢隻黃色包裝既Mask 合唔合乎我既要求?




剪開包裝, 27ml美容液, 大家睇到佢係 lotion 狀既, 漿到塊面膜一pat野 , 之但係拎左出黎,
又唔係話好"杰", 好易就攤得開黎用.

隻 mask 有浸香味, 聽講係杏仁味, 但我又覺得唔似又唔識形容,
聞聞下覺得似bodyshop 的大豆body butter既味,
我就覺得幾好聞, 不會好俗, 好似美肌一族d mask 我最中意呢個味喎~



敷上面先, 下圖略為驚嚇......XD


美肌一族的SIZE不嬲都幾 fit我面形的 (圓形臉..) , 係鼻翼位差少少, cover 唔哂.
話說我好耐沒有敷mask, 懶到飛起, 但用呢隻都無話會因為塊面太乾燥而有"拮拮地"既感覺,
我估佢比較低剌激, 因為用"粉紅色mask"我會有dd"拮"既.



睇完一集"現代塵世美", 敷左30分鐘先除落黎, 其實都唔捨得掉左塊mask 因為佢仲係好濕....
又一如過往做法, 將袋入面d 美容液搽埋條頸, 手手腳腳, 如果有棉手套大可以做埋 hand-mask :)


我習慣敷完紙面膜後用化妝水加棉花抹走多餘的美容液,
因為我混合性皮膚始終唔駛話太油潤既野, 亦唔想d 頭髮俾d美容液 "痴"住哂塊面啦.


如果話上次推出的限定版"蜂王漿面膜"太滋潤, 呢一隻就比較適合香港既秋冬天(或冷氣房),
用完除左保濕, 面色平均左, 第2日出油都少左喎, 可能係佢深層保濕方面有用喇,
亦都不會因為過份滋潤而暗粒, 黎緊秋冬mask可以預佢一份.


推薦俾中至乾性皮膚.


油 / 混合性皮膚, 依然推薦經典的"粉紅色mask"

2009年8月17日星期一

Magic to Love cutie summer 2009 限量版 30ml



好多女仔都中意買香水, 而且中意夏天冬天用唔同味既,
呢一支Magic to Love cutie summer 2009, 就梗係適合夏天啦~

根據Magic to Love呢個系列既"限定"傳統, 今次限量9000瓶, 雖然以限定黎講呢個數目唔係少, 不過一向Magic to Love既限量版都好快賣得哂.
如果有儲開Magic to Love既朋友更加要快手~

香調: 清甜花果香調
前味:百香果,木瓜,石榴,西瓜
中味:洋水仙,茉莉花,黑醋栗,黃熊,伊蘭
後味:斯威特麝香,琥珀

HKD 368 (拍賣)

續 : 美禪 x disney Cinderella 公主限定 lipgloss


講漏左添 !!!!!!!!!!!!!


其實Disney X 美禪除左有 Tinkerbell外, 仲有 Cinderella 公主架......

閃粉紅色既 Lip treatment, 我估無咩人唔中意掛 XD

2隻都係限定, 大家鐘意小仙子Tinkerbell 定灰姑娘 Cinderella 公主多 d 呢?
HKD 148 (拍賣)

2009年8月14日星期五

美禪 x Disney Tinkerbell 限定 lipgloss

(上圖白色個支是handcream)

最中意同 Disney 人物 crossover既化妝品牌, 我一定答係 Paul & Joe.

不過今次唔係佢, 而係 "美禪 ", 日本相當受歡迎的 Treatment Lip Glossy!

普通版美禪無味無色, 當護唇同透明 lipgloss用, 唇紋即時 byebye!

而呢款Tinkerbell版就係 粉黃色閃粉Lip Gloss , 閃閃地幾靚的.
當然保持住唇部美容液既保濕功效啦, 非常方便 :)

HKD 148.00 (拍賣)
容量: 10g



普通版 "美禪"

HKD 98.00 (拍賣)

2009年8月8日星期六

Lion 休足時間


又一款日本必買既手信 : Lion (獅王) 休足時間

只要係yahoo 搜尋器鍵 "休足時間" 就會出現一堆關於佢既好評, 我都唔執輸試下有幾好先!

尋日因為工作上左廣州, 行左成日攰到死, 回家沖完涼即刻開放左一包黎用, 一包入面有6片.
(上圖是18片盒裝)

一撕開包裝就聞到薄荷味, 入面就是白色的黏貼膏布, 估唔到貼得好實下, 我貼完就訓覺, 第2朝起身所有膏布都沒有甩掉.
而且冰涼感會愈來愈強, 當你對腳疲憊不堪時使用, 真的好"爽" ,
當然用完之後, 疲勞感覺可以減輕唔少啦. 非常幫得手!

誠意介紹俾中意shopping 仲要著高踭鞋的女生, 一定需要佢看門口!

(並不是一定要用哂6片膏布的, 中意貼幾多就睇你有幾攰喇~)

2009年8月5日星期三

新品牌 Addiction


在 Kose 的網頁看到一個剛於 7 月15日才公開發售的系列, 日本暫時只有2個專櫃.
同甜美日系化妝截然不同的彩妝, 不知大家有沒有興趣呢?

由活躍於歐美時裝展的日籍彩妝師 Ayako 開發的品牌 "Addiction", 產品看起來都專業, 黑色的包裝簡約的品牌名字, 應該吸引到一眾型格的女孩吧?


來看看資料,
產品尚算包羅萬有, 從底妝到重點的眼, 唇, 胭脂都齊全.
但奇怪的是她只有底霜"Primer" , Tinted moisturizer(潤色乳液) , 連遮瑕膏都有3款選擇,
就是沒有一支粉底霜?


暫時沒有彩妝組, 第一張相片的眼影組是自行配搭出來的, 因應大家的須要自由組合.
同M.A.C / 植村秀 等專業彩妝品牌的做法相似.



我個人最有興趣的產品是這一盒3色遮瑕膏, 感覺很好用 :P



慶祝品牌誕生的 Best Smokey Eyes Set , 化妝袋好有質感 ~
這一組當然是型女的搶購目標, 可打造性感眼妝!




*<セット内容> set content
・アイシャドウ2色 eye shadow 2 colors
・アイライナー(Blackjack) eye liner (blackjack)
・ミニリップグロス(Dream Pillow) mini lip gloss (dream pillow)
・ミニミスティオン mini misty on (保濕噴霧)
・オリジナルセットケース original set case
・オリジナルミラー original mirror
・ミニアイシャドウブラシ mini eye shadow brush

(以上資料圖片來自 ADDICTION)

暫不知道是否可以訂購, 如有興趣可Email 查詢 : info@cosmeticsbb.com