2009年9月29日星期二

Orbis Moist Jelly Eye Pack 啫喱眼膜

雖然唔係新野, 不過都同大家分享下呢一盒 Orbis Moist Jelly Eye Pack.

同系列既Eye Care Essence 之前都推介過, 我自己都仲用緊未打算轉新野,
但見呢盒Eye Pack唔貴又買黎睇下好唔好用. (一盒6對眼膜 $15x )







啫喱狀既眼膜, 透明既, 約 2mm厚, 成塊眼膜係以一種保濕成份"植物性氨基酸"精華濃縮而成,
絕對唔會因為敷得耐而反吸走皮膚的水份.

只需敷15分鐘, 可改善乾粗, 眼腫 同埋收緊, 但黑眼圈就無咩作用喇 (呢d係我既用後感, 同官方說明略有不同).

不過敷呢隻眼膜, 最好臨訓前, 訓係床到, 因為塊眼膜好滑... 如果郁黎郁去佢會不斷向下滑落架 =)

想係入秋時買 eye mask進補既朋友可以考慮下~!

2009年9月27日星期日

Kanebo 20th anniversary Milano Collection 2010

呢一篇純粹分享~ 因為呢2樣野都有預訂日期, 而個日期...日本個邊都截止了!!!!!!!

自1991年Kanebo 推出既 Milano Collection 不經不覺來到20週年,
每一年只會推一款女神造型粉餅既Milano Collection ,
來到2010年就選擇左用 "祝福の天使"為題~ 好靚!!!

係粉餅上壓上圖案, 根本無人會捨得用!
包裝極高貴, 寶物一樣~~



而因為20週年既關係, 佢仲出左一支香水, 包裝又係咁 elegance~

Cecil McBee Gel eyeliner



Cecil McBee Gel eyeliner, 附有眼線掃.
Gel eyeliner 呢幾年都幾 hit, 一黎唔易甩唔易化開, 二黎顏色實正, 眼妝夠sharp, 而且只要有2支掃係手, 粗幼可以控制, 變化多過普通眼線液.

附有的眼線掃, 刷毛幾有彈性, 畫起上黎容易左好多.
睇下我既示範啦~~


只上左少少眼影....

畫左一條幼幼地既眼線.

之後加粗到3mm, 都係用緊同一支掃. (我只畫了圖左手邊的眼)
呢支掃真係幾易控制, 新手都可以大膽使用, 即使來回左右畫都好順暢! 唔錯!
呢幅清楚d, 加埋mascara了!
最後係面加多少少閃既眼影, 就原成左個眼妝喇.


2009年9月20日星期日

Dove多芬潔顏油慕絲

近期中意用呢支野黎落妝, Dove多芬潔顏油慕絲. (HK$ 108)

將潔顏油轉化為豐盈綿密泡沫, 聽落好勁, 效果亦真的唔錯.

落妝幾乾淨, 泵3-4下泡泡出黎, 乾/濕手都OK, 又唔駛加水乳化, 打圈沖水就得, 用完亦唔駛再用其他洗面野洗多次, 好清爽乾淨.

唯獨是強勁的防水眼部化妝品佢就未必落得到, 但整體黎講都唔錯~

以下係我示範, 用眼線筆 + 睫毛液畫係手背, 用泡泡清潔既情況.

D 泡泡幾細密~
打圈按摩......
再用紙巾一抹, 乾淨哂 !

2009年9月16日星期三

美肌一族 foot mask


最後一樣 美肌一族新品試用, foot mask!

我知而家好興用d mask 幫雙腳"去死皮", 但個類 treatment 總不能成日做, 會好傷皮膚架, 咁點樣係去完死皮之後keep 住對baby foot 呢?

除左每日沖完涼搽返保濕lotion係雙腳之外, 仲可以一星期做一次foot mask, 一般黎講用lotion 搽厚d加對棉襪仔敷過夜效果都唔錯, 但而家仲有多一個選擇俾大家試下, 就係呢隻美肌一族.

用法同 hand mask一樣, 先用浸左美容液既腳套, 套上腳, 再套多對膠袋, 10-15分鐘就得.

用後感, 暫時我只用過一次, 感覺都 ok, 吸收得幾快, 腳踭位係無咁乾, 同埋腳底d 硬皮都軟左少少, 中意著涼鞋, 高踭鞋既朋友可以一試!



2009年9月10日星期四

Cecil McBee 超濃密Mascara



其實我應該寫左美肌一族既 Foot mask 先,
但無辦法因為呢個Cecil McBee 系列實在太太太太好用了!!!!

唔好怪我點解寫親都話 d野好用, 因為事實上係一樣好過一樣, 日本人做事真係精益求精, 我地既荷包亦都愈來愈危險呀......

Cecil Mcbee 本來就出開涉谷109 個類辣妹服飾, 所以出既化妝品都係偏向 "重口味",
要化到對眼大一大先得.

佢有分 VOLUME (濃密 - 金色) 同 LONG (纖長 - 銀色)
HKD 158- (價錢以店舖為準)

我試用既係超濃密既 VOLUME Mascara, 色夠黑實, 但唔會熊貓眼, 要用防水用品專用既落妝水(油),
或者我下篇會寫的Dove 潔顏油泡泡都得 (又是勁好用的~)

佢唯一既缺點就係質地較乾身, 如果重複搽會容易結塊, 要用梳仔梳返靚d 睫毛.

濃密纖長效果, 請看下圖示範, 唔多講了~~~





下面個張加左同系列的 gel eye liner (過幾日會介紹)
以下幾張係加埋眼影眼線, 對眼大左好多 :)

2009年9月9日星期三

Cecil McBee Lipcream



(HKD 109 - )


呢支Cecil McBee 既潤唇膏好好用!!
我基本上一年四季都會搽潤唇膏, 所以都有d 要求, 平時用開 water in lips 或者美禪, 2隻都唔錯但呢支Cecil McBee 係更加好用!


搽一搽乾紋減少, 有陣甜甜既果香味(有d似糖), 一d都唔笠, 唔會痴住d頭髮, 而且搽左好像有層保護膜咁, 持久保濕!


搽左佢先搽唇膏同lipgloss 會易上色d, 不會太油令d 唇膏上唔到.


加上包裝好靚!!! 有個金色心心charms !!


黎緊仲會試埋 mascara , eye liner (pencil / gel) , 有興趣既朋友記得留意我地blog 介紹喇~~~!!


官網:
http://www.creerbeaute.co.jp/cecilmcbee/

2009年9月6日星期日

美肌一族 新產品 Hand Mask

第三款將於9月15日推出的新品就係呢一對保濕Hand Mask喇!

用法極之方便, 只須將 (Step 1) 的一對充滿美容液既手套戴上手, 跟住隨即套埋(Step 2)既透明膠手套, 等10-15分鐘就搞掂!!

因為有對膠手套, 所以等緊既時間可以照常使用, 揭雜誌呀上網呀飲汽水....絕對無障礙!

講返對手套先, 有美容液既手套同一般面膜既唔同質地, 係類似環保袋個種不識布咁, 比較薄身但又不易撕破, 而美容液既份量今次就不是太多, 剛剛夠而已.
隻mask 有陣淡淡的花香味, 但除左mask之後d味散得 ok快.
雖然我講到 d 料好像一般, 但其實我係覺得呢個hand mask 既效果幾好的.

首先, 除左對手套之後, 拍拍手d 美容液係差不多吸收哂, 唔駛洗手都 OK,
個mask 我尋晚試既, 今日我全日涼住冷氣都無用過潤手霜, 但手背d乾紋都無出黎bor,
而且仲有少少白淨左添!!!

我相信係隻mask既保濕幫到手~


而家好多女仔都中意做下 nail art 同d 指甲扮靚, 如果 加埋每星期搵15分鐘敷下 hand mask,
對手就肯定最Perfect 喇 !