好朋友潤手霜 溫泉限定版

日本人最中意出限定版, 連"好朋友潤手霜 ", 都要黎個溫泉限定版!!

喜愛既朋友不要錯過喇~

頭頂仲有條毛巾仔, 扮哂浸緊溫泉添喎~

同普通版一樣, 有馬油成份, 呢排H1N1 大家密密洗手, D皮膚唔多唔少都會變得乾燥,

擺定"好朋友"係檯頭, 得閒搽下, 對手就唔會巢哂皮啦 :)

Hello Kitty 去角質乳霜

各位Hello Kitty 既fans要注意喇~~ 呢支去角質乳霜既包裝真係好得意~!!

日本品牌ROSETTE上年找KT代言過藥用洗顏皂之後，今年趁勢再度推出~~
KT X ROSETTE APPLE GOMMAGE（ハローキティ アップルゴマージュ）去角質乳霜!
(圖片引用自日本ROSETTE官方網站）

先洗好面, 印乾水份之後就將乳霜輕輕按摩上面, 約2分鐘之後就可以洗淨,
佢可以有效去掉老舊角質及收斂毛孔, 仲有蘋果香味大家一定中意架~
每星期使用1-2次就可以時常保持晶瑩剔透既皮膚喇~

日本花王 blaune 泡沫染髮劑 (白髮專用)

呢個世界就是咁巧合, 今日我梳緊頭, 我媽咪突然問我用咩牌子既染髮劑?

佢話中意個顏色同埋染得好自然, 咁我就話我用緊一隻日本牌子"花王 Prettia 泡沫染髮劑",
但呢隻唔係俾人遮蓋白髮的....


點知又俾我見到原來呢花王出左一隻專門俾白髮用既染髮劑喎!!
真係咩年齡都可以染一頭靚髮~

等我都買盒俾媽咪試下先!




一共11隻色, d色全部都是啡色系既~


1 - 淺啡色 (少許光澤)2 - 淺啡色 (中性光澤)3 - 淺啡色 (一般光澤)3NA - 自然灰3C - 焦糖啡3R - 玫瑰啡4 - 淺啡色4A - 灰啡色4M - 栗子啡5 - 啡色6 - 深啡色

泡沫染髮係花王既皇牌, 呢隻當然都係啦, 染髮都變得好簡單, 自己染D色都可以好平均架!

抗流感法寶

H1N1 新型流感殺到黎香港, 感染人數日日升, 小學幼稚園停哂課,

不過我地既生活依然難免要接觸人群既, 所以衛生署無時無刻都提醒大家要勤洗手,

可以大大預防中招機會!

個幾月之前我攞呢一塊SOAP 回家, 似乎正好適合呢個環境!

各位朋友一睇個包裝.....就知係殺菌架啦!

面部同身體都用得, 不過我就唔太建議用黎洗面喇因為用完都幾乾.

不過用黎洗手沖涼就幾好, 雖然沒有香味,

但流感爆發期都係用呢類主打消毒殺菌既清潔用品先夠安全呀!

needs ! 日本資訊雜誌

大家知唔知道有一本日本資訊雜誌叫 "needs"呢?

每一期都介紹日本人的旅遊勝地(唔係旅行社帶人去個d行貨), 夠哂地道!
仲包括埋各樣的潮流同美食情報, 愛好日本文化既朋友絕對唔可以錯過.

而最重要既一樣野, 就是FREE!!! 呢本野是免費派發的!

係瑩之部屋各間分店都可以攞到～

而其他派發地點可參考官方網頁~






(七月號會有我地瑩之部屋的情報喔~)

Orbis 身體暗瘡噴霧

成日睇雜誌見到 d明星同model , 佢地個個既背脊都又白又滑,

可惜我本身背脊有暗瘡問題, 唔好好護理一下, 根本唔駛指意著背心同大露背衫呀!

雖然用開的"beauty soap" 都幫到手清潔身體上過多的油脂, 但之前留下的暗瘡印好像去得唔夠快, 咁o岩見到 Orbis 推出左身體暗瘡噴霧 既"夏日限定版", 就即刻要試下用喇~!

以下是官網資料:

防背部暗瘡, 令肌膚幼滑清爽.

採用具有藥用成份的甘草酸鉀, 有效預防背部及胸部因汗水和油脂所引致的暗瘡.

改善暗瘡及肌膚粗糙問題.

促進暗瘡印消褪, 回復亮滑肌膚, 桑白皮精華配合軟化角質成份甘醇酸,

促進暗瘡印減褪, 肌膚回復平滑細緻.

沖完涼噴係背部或者胸口易出暗瘡既地方, 佢好清爽仲涼涼地, 簡簡單單就可以改善身體的暗瘡問題.

而且佢個噴咀設計, 係可以倒轉都噴得出的, 咁就可以平均咁噴到哂個背脊喇~!

It's NEW! Candy Doll 陶瓷肌礦物碎粉

繼早前的裸色 lipgloss 及唇部遮瑕液, Candy Doll 終於推出第3樣產品喇~

零毛孔 + 遮瑕潤色 + 持久不脫妝 + 不傷皮膚 + 陶瓷肌
= Candy Doll 陶瓷肌礦物碎粉!!

睇到佢既功能都可算得好 perfect, 拿到手之後當然開黎睇睇啦~~




精美既黑白條子包裝~ 幾型!

size 係比正常細的, 只有10g, 好處當然是方便大家擺落化妝袋拎出街補妝啦~
其實10g 都有排用的 :)

附有粉樸, 不過質感一般, 無咩特別.

其實佢d 粉真的好幼細, 搽上面之後真係遮到好多野,

黑眼圈, 暗瘡印, 當然遮毛孔係佢既強項, 用左真的零毛孔架!

佢只有一隻色, 都可以適合大部份人既膚色, 唔會用左變白面人 :p

呢幾日我會連續使用, 下星期會加埋d 試妝相俾大家參考下~!

100% 注目! 日本 CREATE ION 捲髮棒

近日極之多朋友詢問的捲髮棒, 終於有時間介紹下喇~

2 款都係日本CREATE ION出品既捲髮棒, 都是日本名 stylish 宮村浩気的推介品!

首先就係粉紅色呢支 "PINK 360度轉動 電捲棒負離子捲髮器"

體積約L320×H70×W45mm

溫度是 :180度

外型可愛, 而且仲好易用!

如果各位用過呢類捲髮棒, 都知道夾住髮尾之後, 係要成個捲一齊轉圈先可以捲到上髮根, 捲哂成個頭隻手都好勊架....

但呢隻既 "360度轉動" 就係可以夾住髮尾後,

只要用另一隻手去扭支捲髮棒上端既粉紅色尖尖(唔熱的), 個捲芯就會轉, 好像下圖咁!

同埋佢可以左右2邊都捲得, 遷就返大家想d 頭髮想向外捲定內捲~

仲有一樣野好好既, 就係佢不用加變壓器! 全世界通用電壓, 去旅行超方便!

30mm既直徑, 可以捲到中捲髮型, 下面係官方的示範圖片~!

********************************************************************
跟住係另一款 Ion Curl Iron 電捲棒!

雖然呢支唔能夠做到360度轉動,

但佢個捲芯直徑有 2 種 size : 32mm / 38mm

32mm 可以做到下圖, 上3個髮型.

38mm 就適合做大波浪, 即下3個髮型!

可以配合各位唔同需要~

而且佢仲有5個溫度調較, 幾 Pro, 如果d 髮質難捲曲就較高 dd 溫度.. 效果都有唔同, 變化多 d!

係瑩之部屋購買本產品可免費獲變壓器1個 (以店舖資料為準, 詳情請向店員查詢 )

注意事項： 日本電器內電壓跟香港不同, 必需加上變壓器才能使用.

(如直接使用的話可能會引起故障, 本店恕不負責.)

**************************************************************************