2010年1月31日星期日

Cosme.com 限定 BB 肌導入乳 + 深層保濕面膜

試用左一樣, 呀...唔係, 係2樣非常非常好用既面膜, 一定要推薦俾各位!

Barrier Repair 出品, 但只係日本Cosme.com 限定發售!

深層保濕面膜 + BB 肌導入乳 (一套 5次 treatment , HKD 158) 現貨暫未抵港, 歡迎訂購

係日本呢一套產品熱賣中, 評價相當好架~

深層保濕面膜加埋BB 肌導入乳一套使用, 用過之後大家一定會愛上!


睇睇相先!


深層保濕面膜 (一盒五片)

含大量透明質酸既保濕面膜, 保水效果出色, 無色無味,
面膜可以覆蓋雙眼, 剪裁都幾好, 只略嫌鼻位兩側遮蓋唔哂, 但整體問題不大既~


BB 肌導入乳 ( ready to mask) (一盒五支)

同面膜配套使用既導入乳, 每次使用一支, 加強肌膚吸收面膜既保濕成份,
深層導入, 令保濕效果可達肌底.

********************************
用之前, 我建議先抽出兩種產品, 並預備一條毛巾仔.


先搽導入乳, 一支一次, 可以豪邁地搽上面 :)
質地係輕盈乳霜狀, 好易搽開, 唔駛搽到吸收哂咁架, 好像敷mask 咁推開就得.

由於我近日食緊d會令皮膚好乾好乾既藥, 用返用開既護膚品都會有敏感刺痛既情況, 所以開始時有d擔身呢支導入乳會唔會用唔到,

不過, 事實係無問題既 :)

佢係一隻好溫和既 skin care, 同個packing 既BB一樣, 加分!!



(以下相沒有開閃光燈, 好黃添....)

導入乳推開到咁上下就可以啦~






跟住, 因為雙手滿是導入乳會好難撕開面膜的包裝, 所以可以用毛巾仔抹下手先 :)

打開睇下, 係好多透明質酸喎,

呢個時候d導入乳竟然俾我塊面吸收左唔少, 我真的乾到不得了, 快手敷個mask 上去先!


!
取出面膜打開鋪上面, 無香料, 都好, 因為我怕會敏感,
佢其實有d 好像面粉既味, 不過可以算等於無味既.

我總共敷左20分鐘,
途中見塊面膜開始乾少少, 我就將包裝入面的精華倒埋上個而面到, 用盡佢! :p

之後我先用雙手輕按全面等d 成份吸收埋, 再用棉花濕少少水抹面, 除去多餘既精華,
最後搽返少少 lotion 鎖住d水份就搞掂!

保水極好, 唔會敏感, 用完唔會滋潤過頭令人生粒粒, 呢D佢都做得到!

但我覺得佢同我用過既 mask 既最大分別係, 持久力!

如果其他 mask , 可以用一次keep到2日既效果我已覺得幾好喇,

但呢一組BB MASK, 我覺得可以維持多一倍時間!!

簡單舉例, 我呢排 d皮膚極乾, 搽保濕用品時會有刺痛感.

我敷左呢組 mask 一次, 之後起碼有4-5日我搽保濕係無左刺痛感, 無左乾既感覺!

大家明白我的意思嗎?

好耐無用過一隻咁突破既 mask, 估唔到會係呢個牌子到出現 :)

誠意推薦~

2010年1月30日星期六

瑩之部屋 X 貓室 特色揮春現於各門市免費派發

想農曆新年攞個意頭? 點少得貼返幾張紅噹噹既揮春呢?

一套四款既 "瑩之部屋 X 貓室" 特色揮春,

為大家添上喜氣洋洋, 預祝各位虎年大吉!

而家係全線門市免費派發 :)

各位靚女有時間既不妨黎接瑩子回家過一個熱鬧新年 ~

2010年1月28日星期四

Santen 溫和眼藥水

今次呢支眼藥水極之溫和, 完全沒有刺激既薄荷成份, 滴完可以即時繼續工作,
唔似用含薄荷清涼成份既眼藥水, 用完對眼睜唔開~~ :)

**適合任何隱形眼鏡人士使用**

主力消除眼睛疲勞同滋潤, 眼水唔夠, 特別係戴 con既既朋友可以選擇呢一支.



藍色既樽, 眼藥水本身係透明既~

2010年1月26日星期二

ADDGOOD X Milkitty Bath 牛奶浴鹽

Hello Kitty Fans 注意喇,

日本ADDGOOD株式會社 X Hello Kitty 合作推出呢款咁cute既牛奶浴鹽,
等大家可以快樂地嘆個牛奶浴~!

(600g / HKD88)



因為我屋企沒有浴缸所以沒有試用報告, 但根據介紹用法有3種~

浴鹽桑拿
蒸桑拿時,將浴鹽放入布袋內輕擦肌膚,既補充體內流失的鹽分又潔膚美容.

浴鹽美足
用熱水泡腳5分鐘,把浴鹽抺在有厚皮的部位,如腳踭,腳掌打圈按摩5分鐘, 再用水清洗乾淨,然後用潤膚露滋潤美足。

浴鹽身體
在浴盆中用加礦物鹽的熱水浸泡全身15分鐘, 長期堅持沙少全身脂肪,身材變得苗條。

包裝可愛, 而且浸浴有益健康, 推薦給大家~

2010年1月25日星期一

Shiseido 夜間修護lip balm

呢個星期試左呢一個 "Therapino夜間修護lip balm", 其實都出左好一段時間架喇, 網上評價亦唔覺有過熱烈討論, 究竟好唔好呢?


功能:
含胡麻油, 有機薰衣草油.

修護乾燥, 脫皮既咀唇, 用完第二朝雙唇滋潤飽滿, 亦令唇膏易上色.



細細盒既 lip balm, 無香料, 無怪味, 搽上咀無色的.
因為主打晚上使用, 多數擺係屋企, 用手指搽都可接受.
我最怕出街用呢類一罐的 lip balm, 雙手咁多細菌又唔方便洗手都唔知點搽好....

質地都算適中, 唔會太硬, 上左咀有熱力會更易搽抹, 可能有d朋友覺得佢厚左少少, 但佢作為一個修護既lip balm, 似一個 lip mask 都好合理既. 我自己就覺得都 ok, 係冬天夠哂滋潤喎!

連續用左3晚, 第二日起身個咀既唇紋淡左, 雖然洗完面都係要搽返d 潤唇膏, 但個咀係soft左喎~


同系列仲有日用既支裝潤唇膏~!




2010年1月17日星期日

Chacott 專業唇彩 (731 透明)

我拿到的是#731 透明色. (盒另配)

最好用唇掃上, 效果會比起用手指更加更閃令 :)

佢係一隻完全唔笠既 lipgloss, 不會有膠水feel, 不會風吹時"痴"住d頭髮, 我幾欣賞呢個質地!

比普通 lipgloss 保濕, 感覺仲有d似潤唇膏,
用左唇紋少左, o岩哂乾燥既季節, 或者經常係冷凍房既OL :)


以下

第一張圖係搽左唇膏.
第二張係加埋Chacott lipgloss.



2010年1月16日星期六

Chacott Cake foundation for Face & Body

乾濕2用粉餅, 超大容量, 足足比平時用的多2-3倍!

點解要咁大呢?
其實佢原意係俾d舞蹈員可以大範圍由面搽埋身體, 令個膚色更加一致.
特別適合化妝師同化新娘妝.

佢既粉質同碎粉一樣咁細緻, 而且可以濕用, 濕用時既妝容亦會更持久架.

50g

(HKD155)



選色可以參考下圖


使用方法: 天然海綿沾水後擰乾,海綿微濕時沾取粉餅使用

由於瑩之部屋係Chacott 港澳經銷商, 所以我地會有齊所有色號,
大家可以到"九龍灣"分店試色選購~呢間分店最齊Chacott既貨!

2010年1月8日星期五

2010年1月2日星期六

Chacott 日常使用研發 Creamy Foundation


(新品, 價格待定)

之前提過Chacott for professionals 係主要為左舞台而開發既化妝品, 隨著蜜粉大受歡迎, 而家亦有推出專為日常而研製既 Creamy foundation, 可說係日本第二波超人氣底妝~!

延續舞台底妝持久性, 由早上上妝, 直到放工回家個妝都貼貼服服, 沒有溶妝或變暗沈既煩惱~

超好推開如絲綢質地, 化妝新手都可以輕鬆完成底妝, 用海棉或者直接用手上都得, 專業d既亦可以用掃上, 不過我試用時就係用Shu Uemura 既海棉.

本人覺得佢既保濕效果唔錯, 即使面有少少乾, 上粉底時都唔會卡粉, 亦唔會狂甩皮, 特別推薦乾性皮膚, 但佢亦唔會好焗身, 上左妝都好自然同薄身, 唔會因為搽過量而變左面具~

使用天然色素、不含香料.


有六色選擇,

我試用既係最淺色 #861 , 但我覺得顏色不是超白, 吱出黎仲覺得個色好黃!
但係搽左上面個色又OK喎, 一般偏白人應該都適用.

#861 明亮膚
#862 自然膚
#865 健康膚




最後係試用後照片(無執過相),
睇到膚色平均左Sharp左, 但未至於好遮瑕, 勁黑眼圈好像我咁就要另加遮瑕.
但遮毛孔都幾好, 我鼻上同2 側d毛孔都 cover得唔錯架.