牛乳石鹸 無添加卸妝油

150ml HKD 88-

版主早兩個星期去左日本搵新貨, 一次過攞左6隻洗面卸妝用品俾我試.....仲好像陸續有來....
我有一日會成為"潔面達人"嗎?

今次介紹一隻不含礦物油, 色素, 香料, 防腐劑...即是無添加的卸妝油俾大家!

有些女孩用卸妝油會容易生暗瘡同敏感, 對卸妝油敬而遠之!

其實原兇就是礦物油喇, 因為礦物油是一種"以油溶油"既物質, 雖然卸妝功能看起來好強, 但佢會阻塞毛孔, 一旦洗唔乾淨或者乳化程序唔夠徹底, 就會導致暗瘡問題.

所以而家好多品牌都會用不含礦物油黎做賣點, 對皮膚真係好d架!

呢支卸妝油就改用植物性油去代替礦物油, 成份天然連敏感皮膚都用得, 唔小心入左眼都無覺得唔舒服, 唔會"那"眼喎.

而佢既卸妝力亦拍得住礦物油, 泵2-3下既份量, 乾手乾面按摩10-15秒左右, 用溫水加以按摩並乳化, 之後過水, 防水睫毛液呀, 厚厚既底妝, 眼影眼線....通通乾淨哂, 用完亦唔會有"油淋淋"既感覺架, 唔洗重複用洗面膏洗多次, 減少左對皮膚既刺激.

另外, 長期使用含礦物油既護膚品會令皮膚變乾燥, 所以用呢類植物性卸妝油相對黎講就有護膚既作用, 特別係對乾性皮膚黎講, 用左就會有明顯分別喇~!

官網: http://www.cow-soap.co.jp

日本人氣牛乳石鹸香皂

由日本"牛乳石鹸共進社" 早在1928年開始生產既牛乳石鹸香皂, 係當地可以講係家傳戶曉!
經多年不斷改良, 不被沐浴露取代之餘, 更獲選為mailto:2008@Cosme 最佳身體清潔用品, 証明年輕一代的女孩都相當推薦!

牛奶成份有美白肌膚功效, 長期使用下來, 美白之餘仲可以預防背部暗瘡, 因為佢既潔淨力非常好,
油脂和老舊的角質全部可以輕鬆洗掉! 白滑的肌膚在夏天著吊帶背心就最完美喇!

呢個系列有紅色(赤箱) 藍色 (青箱) 2種, 前著滋潤 creamy , 後者清爽!

我係冷天時小腿會乾燥甩皮, 試用左"紅色" 幾日, 沖完涼沒有搽任何 body lotion, 無甩皮亦唔覺得乾, 但係就比起用沐浴露乾淨好多, d 皮脂唔駛用磨沙都洗走哂!
香味仲好持久, 用完幾舒服架 :)

官網: http://www.cow-soap.co.jp/web/products/bland/akabako-aobako-sekken/

樸實的紅色盒裝~ HKD 25 一大舊!


純白色的香皂, 有濃郁的香氣!

可以看到尺寸不小!

http://www.cosme.net/html/spc/0812/category/body.html 最佳身體清潔用品

Beauteen 染髮系列 染髮劑 (updated on 4.3.09)

官方介紹 http://www.beauteen.jp/

Beauteen X 日本人氣漫畫家矢澤愛的染髮劑, 每種顏色也有不同款式插畫, 讓秀髮像漫畫人物般擁有屬於自己的色彩及風格!

**矢澤愛的人氣漫畫包括曾拍成話題電影的"Nana"**

這款染髮劑的色彩選擇非常多, 由最受歡迎的奶茶色到獨特的紫色, 灰色, 甚至粉紅色也有喔!

日本雜誌Mini 的 3月號(中文版), 剛好有Beauteen染髮劑的專案 :)



左: Beauteen 染髮劑示範 右: 花王Prettia 泡沫染髮劑示範


模特兒示範的是紫色~


我的示範色是 "Rich Maple Tea 楓茶色", 就是這一盒~!


【商品內含】 HKD 80-
1. BEAUTEEN　染髮 1劑（非處方成分）40g
2. BEAUTEEN　染髮 2劑（非處方成分）80ml
3. BEAUTEEN　染髮用美容液 (洗不掉的營養成分)　5ml



說明書, 基本上看圖都明! 附有一對手套.

操作方法同一般乳霜染髮劑:

1) 先把1號染髮劑 (橙色牙膏狀), 加入2號染髮劑(膠樽乳液狀) 之內, 把樽蓋扭實, 上下搖30下左右至完全混合.

2) 之後把膠蓋換上附有的"膠刷頭", 之後平均地塗抹上頭髮, 接近髮根的部份要仔細塗抹避免顏色不平均.

3) 等20-30分鐘就可以沖洗, 沖走哂 d 染髮劑, 之後好像平時咁洗頭.

4) 唔駛落護髮素, 因為佢附帶一包 "染髮用美容液", 洗完頭用毛巾抹走多餘水份後, 搽上頭髮, 之後等頭髮自然乾或風筒吹乾都得.

5) 完成!

*染髮前請戴上附帶的膠手套, 拿不要的舊毛巾或是膠台布圍在肩上以免弄髒衣物.

我本身的頭髮是帶少少啡的, 染完之後就是...下圖.

不誇張的自然啡紅髮色, 髮質完全不會受損喔, 而且"完成後的顏色跟包裝上的像真度90%!

我自己就覺得好滿意喇~! 上班亦不會誇張 :)

以下是在早上室內拍攝效果...

以下是晚上白燈下的照片...

以下是早上陰天 + 白燈下的效果....

以下是黃燈下的效果....

【注意】

・染後的髮色，會根據染前的髮色、髮的受損程度、髮質、室溫，放置時間的不同而不同。

・本產品不是供白髮者使用。用於白髮後，會變得有點淡黃色。

・使用的時候必須讀清楚注意事項。因操作錯誤也可導致染髮失敗。

・生理週期、懷孕、生病期、病後恢復期等，可能會導致皮膚過敏，請不要使用。

・嬰幼兒請不要使用。・發現頭皮異常或其他異常請停止使用。

Orbis Clear Concentrate Gel

30g HKD188-
官網 http://www.orbis.co.jp/small/1151050/

女孩子的頭號美容大敵, 不用說當然是暗瘡!

除左青春期易生暗瘡之外, 其實皮脂分泌過剩, 肌膚缺水, 壓力, 荷爾蒙不平衡等等...

以上問題都會擾亂肌膚的新陳代謝, 引致暗瘡爆發, 這些就是所謂的"大人暗瘡".

日牌Orbis 其中一條 line - Clear Series 就專為這類問題肌而開發,

今次介紹其中一款產品: Orbis Clear Concentrate Gel (台譯:和漢淨肌精純修護凝露)

以多種中草藥為成份, 從基本改善皮膚問題, 平衡油脂和水份, 毛孔亦變得暢通暗瘡就絕跡了!

本人是混合外乾內油膚質, 因為呢幾日潮濕轉季皮膚唔穩定又谷暗瘡, 所以就拿拿聲拎黎用喇 :p

因為佢係"睡眠面膜"黎, 所以夜晚洗完面, 搽埋爽膚水就用佢當晚霜搽, 搞掂!
質地係透明啫喱狀都幾清爽, 立即訓覺都唔會"笠痴痴"架喎~
(如果係乾性皮膚, 可在中間加一層用開的保濕, 薄薄地一 層.)

第2朝起身, 如常洗面, 我用左3日之後, 谷緊既大暗瘡謝左而且黑頭粉刺係少左喎!

可以直接用佢取代晚霜, 又或者需要時加插入護膚程序用亦得!
上網睇過日本同台灣方面既用家評語, 治暗瘡效果大好評喎~ 簡單實用的好物!

日本@ Cosme http://www.cosme.net/product/review/product_id/2931910
台灣Urcosme http://www.urcosme.com/search/final-21916.htm

KOSE softymo玻尿酸高保濕眼唇卸妝液

繼續介紹另一款日本人氣商品, KOSE softymo玻尿酸高保濕眼唇卸妝液!

Kose softymo系列主力開架式的潔面用品, 數十種商品當中就以這款最廣受歡迎,
更是2008年日本網站@cosme總合大賞-第一名!

卸妝能力不須懷疑, 即使是防水的眼部和唇部化妝品也可輕鬆卸除.
在棉花上倒一蚊大小的卸妝液, 輕輕刷拭, 卸一次就乾淨了!!

含有玻尿酸保濕成分, 卸妝同時呵護眼週皮膚, 接近眼淚的中性成分, 即使入眼也不會刺激眼睛 :)

乳液狀質地用起來很清爽, 使用後可以不用過水, 這一點用於修補化妝錯誤就十分方便, 用棉花棒沾取卸妝液抹去NG位就可以繼續上妝.

230ml的特大容量在眼部卸妝液中實在少見, 難得的是價格相當便宜!
(要是面部卸妝剛用完又來不及買新的, 拿這一支來卸全臉也絕對沒問題!)



230ml, HK$88

官網 http://www.kosecosmeport.co.jp/index.html



@Cosme 總合大賞no.1
http://www.cosme.net/html/spc/0812/grand.html

E-cube 石鹼洗顏料 (いいじゃんガスール石鹸)

今次介紹一隻係香港少聽到既牌子イーキューブ (e-cube)

佢既洗面膏係日本好受歡迎, 係yahoo 鍵入呢個名, d 搜尋結果多到睇唔哂,
而且仲係2008日本cosme大獎 洗顏部門 no.1 添!


平平無奇的外表竟能擊敗其他廠家的洗顏料兵團?

含天然礦物質的粘土基質潔面霜, 粘土一向有優秀既潔膚功能, 幾油既皮膚一洗都清爽哂, 但粘土容易令皮膚乾燥既問題亦令人在意, 所以品牌特地配合玫瑰萃取, 蜂王漿, 骨膠元等成分, 讓皮膚得到溫和的放鬆, 並加強保濕效果, 絕不會造成負擔, 適合各種膚質使用 :)


只要取適量係手心加少少水起泡, 佢有d唔會溶既粒粒(ガスールの粒子)係入面, 可能係順便加少少磨沙功能?

打圈洗幾下, 係T位加強按摩之後過水, 油脂同D細細既黑頭就統統洗走哂喇!


呢個天氣用都唔會乾架, 有少少玫瑰的美妙香味, 感覺相當天然, 敏感皮膚亦OK, 安心的使用感就是得到大家支持的原因吧!

60g HKD 198-
官網 http://www.eqb.jp/index.html


http://www.cosme.net/html/spc/0812/category/basic.html

------------------------------------------------------------------------------------------------

除左大好評既洗面膏之外, 我還試用過同系列的美容液(グラン・ミルク)

光看包裝確實亳不吸引.......但是她的內涵令人驚喜!
白色的乳液質地不油不膩, 吸收得相當快, 說得上是零負擔, 而保濕效果卻極佳, 因乾燥而出油的皮膚亦得到改善, 例如我在晚上使用, 隔天起床不但沒有面油而且也不會覺得乾, 持久度十分不俗!

在日本人氣美容網站cosme.net的評價亦相當高, 是一個值得嘗試的保養品 :)



(30ml)

Orbis Eyecare Essence 彈力亮眼美容液

日牌Orbis 一向以簡約實用見稱, 揭開日本雜誌看到她在日本似乎相當活躍呢!

今次介紹她的新出品 Orbis Eyecare Essence

上星期拿到2包試用裝, 因為用量極省一小包竟然可日夜使用達4-5天!

這個眼部精華應該說是"o者喱水"狀.
吱出來的時候像是Gel狀, 但一搽上眼就變水狀很易搽, 使用起來確實很有品牌的"oil cut"感覺~ 沒有任何油份的, 害怕油脂粒的朋友應該會相當喜歡.

含保溼成份：玻尿酸、杏仁精華、明目精華、接骨木精華等等, 保濕效果亦良好, 上妝也不會出現乾紋. 不過玻尿酸(透明質酸)會有少少sticky, 不過對化妝沒有影響的喔.

另外不可不說的是, 她的緊緻提升效果十分之好! !
如果嫌對眼不夠精靈, 不夠訓, 佢既效果就好明顯, 搽完已經覺得拉緊左, 對眼精神左好多~!

28ml HKD 215

日本官網介紹: http://www.orbis.co.jp/small/6103070/
台灣官網介紹: http://www.orbis.com.tw/orbis/OrbisWeb/product_page/product_page.jsp?rowIndex=1