Eyelash Curlkeeper

只要將呢支玫瑰香味既噴霧, 噴一噴落個睫毛夾上先去夾睫毛, 捲曲度就可以維持一整日!!

即使搽左厚厚既mascara, 都唔駛擔心d 睫毛因為地心吸力而"dup"哂唔靚,

笨重既睫毛夾亦都唔需要帶出街喇.

(記得夾完睫毛之後, 用濕毛巾抹去夾上的噴劑, 因為殘留既噴霧會影響下一次使用既效果, 亦可以對睫毛夾造成損壞架)

Wide Long Direction Mascara

連續收到2支好好效果既睫毛液, 一支係Cosmagic 之前介紹過喇,
今次再介紹一支纖長效果又係無得頂既俾大家.

Wide Long Direction Mascara

(呢間製造商我聽都未聽過既叫 " Passion N.Y. division")



又係可以暖水清洗的睫毛液.
防水．防汗．防油, 可以 keep住成日唔走樣.

樽身設計比較平實.

刷頭大小適中, 可以睇到好多纖維係上面, 幫助增長的.

刷左2層睫毛液, 用後我認為 d睫毛最少都長左 1-2 mm, 愈搽得多層就愈長愈濃密,

而且刷出黎都好分明, 睫毛唔會一舊舊.

同埋佢既質地比較輕身, 唔會搽完d睫毛硬哂咁, 自然 d 適合日間或返工用.

(對比之下Cosmagic 就係 晚妝d 同 sexy d既效果)

唯一我覺得唔好既地方係佢隻色唔夠"黑", 好像我 d中意搽深色眼影既女仔, 就覺得用佢對眼唔夠有神喇. 仲有佢沒有捲曲能力, 大家要配備睫毛夾使用~

Santen FX V+ 極冰涼眼藥水

本來想寫一支好好用既睫毛液, 不過未有時間影D靚相所以寫左呢一樣野先.

Santen FX V+ 冰涼眼藥水 (金色包裝)

一支極極極極極涼既眼藥水, 如果有用開香港都有得買既"V樂敦"冰涼眼藥水,

我可以講呢支FX V+ 係俾佢更強!!!!

而且冰涼感維持得耐好多, 滴一滴前真的要有D心理準備,

推薦俾有: 紅筋/ 疲倦/ 預防感染(例如游泳之後)

不過都要再提一提大家, 呢支FX V+真的好冰涼, 用唔慣可能覺得好刺激架.

另外大家睇到銀色個支都係同一系列既 FX NEO, 廠商就話佢無FXV+咁涼,

但我估到應該夠哂架喇...

*不適用於帶隱形眼鏡時*

白十字 睡眠Mask

今次呢個產品對我黎講都幾新穎, 訓覺都要戴口罩?


原來係俾 d 容易因為冷氣導致鼻腔同喉嚨乾涸既朋友用既 :)


好像呢幾日三十幾度, 夜晚一定要開哂冷氣先訓到, 呢個口罩可以幫手隔住唔駛直接吸入乾冷既空氣, 令鼻腔保持濕潤.


一包有2個獨立包裝的口罩.


佢個質地好像紗布咁, 薄d透氣d, 唔會好像平時用的口罩咁焗架.


2邊用幼魚絲, 戴起上黎唔會好緊.

マツモトキヨシ 39mm睫毛夾 (製造商Koji)

日本最受我地女生歡迎的"名勝" マツモトキヨシ 藥房 (松本 清)
店中各大廠商的藥品, 化妝品, 雜貨固然係多都唔知點揀,
而佢自己都有推出自己"MK"的商品, 而且數量都非常多架, 大家都日本不妨望望~

今次試用MK出品的睫毛夾.
39MM闊度, 應該適合大部份的亞洲女生的, 我自己用就剛剛好喇 :)


雖然是日本的廠家出品, 但製造地方是台灣喔.
不過日本的QC 以嚴格見稱, 所以質量方面不用擔心的.

另外多謝有朋友提出支睫毛夾點解會刻住"Koji" 而不是"マツモトキヨシ"
我地查出原因了~
各位留意下圖 製造元: 株式會社コージー本鋪

コージー 即係 Koji 也~
如引起大家混淆就真的非常抱歉了...亦感謝大家的提點 :)



長話短說, 以下是試用效果, 大家參考看看吧~

未夾前的睫毛, 前端微曲.

我夾! 這裡看到睫毛夾上是 Koji 的, 不是我貼錯圖喔, 原因上文已有解釋 :)

可以睇到夾的SIZE同我的眼影很配合, 整排的睫毛都可以夾得到~

完成! 彎曲弧度自然.

再黎多個側面, 效果都幾好~

補完!! Candy Doll 陶瓷肌礦物碎粉

各位仲記得我6月介紹過的 Candy Doll 陶瓷肌礦物碎粉嗎? (按此)

當時話要用幾日睇下效果再影相俾大家睇睇, 拖左咁耐終於捨得出圖喇.....

下圖是我本人, 相片除了resize同cut左半邊面之外, 完全無執過相的.

絕對算得上是"陶瓷肌"吧?????????

我的底妝用品係:

好朋友UV Cream ----> RMK 粉底霜 -----> Candy Doll 陶瓷肌礦物碎粉

影呢張相個日氣溫32度左右, 超熱, 我一早9點化妝, 外出郊遊途中影的, 可以睇到出左dd面油但個妝仲好靚好 sharp!
(唔中暑真係算好彩..)

俾大家參考下~

KOSE COSMAGIC Secret Item EXTE Bomber Mascara

可愛的桃紅色mascara!! 官方網頁非常精美 (按這裡)

是Kose 的新出品, 同系列還有眼線筆同埋眉筆, 全套配合使用可以創造出迷人性感既大眼睛!

刷頭是羅旋形的橡膠, 可以全方位搽到每一條眼睫毛, 不會過大或過細既 size, 不易沾污眼皮.

顏色夠哂黑, 搽完之後纖長而且分明, 不會一舊舊咁.

持久不會熊貓眼, 但又可以溫水卸妝,已經係新mascara的必然條件, 呢支當然不例外~

以下是試用照片, 因光線不足所以顏色麻麻地, 但仍可看到增長效果相當唔錯~