日本 Kokuryudo Luscious Tension L 黑龍堂覆盆莓修長美腿霜 200g

日本 Kokuryudo Luscious Tension L 黑龍堂覆盆莓修長美腿霜 200g
(HKD 158)
唔想同甲組腳為伍既靚女們, 最好既方法就係每日沖涼後按摩下小腿,
特別係工作需要長時間站立既朋友, 雙腿肌肉會實哂, 血液又循環不順,
好易變粗腿, 甚至靜脈曲張等較嚴重既問題, 所以每日好好按摩下雙腿係不可偷懶的!

呢一支美腿霜, 成份可以減少脂肪生長, 去浮腫, 配合按摩可以加速血液循環,
用佢黎按摩雙腿就事半功倍!

佢有清新既香桃味, 用後不需清洗~


再介紹多一種美腿產品俾大家:

Dr.scholl OTTO段壓式美腿襪 (多種款式, 可向我地各分店查詢)
官網介紹



利用不用編織密度去形成壓力, 穿上就可以預防水腫, 靜脈曲張等的問題, 日夜都照顧周到~!

PMG Epicute 高周波脫毛器

夏天快到, 係背心短裙出場既時間, 同時亦係各位女生要勤力除毛, 保持光滑既時候喇!

今次介紹既 "PMG Epicute 高周波脫毛器", 外型似眉夾,
專門對付眼眉, 唇毛, 腋毛, 同比堅尼位呢d 地方.

用法係用脫毛器夾實毛髮接近根部約15-20秒, 跟住將毛髮拔出就得.

咁有咩特別呢?

佢最大人既特點係唔會令d毛愈脫愈粗!
減低毛囊發炎既機會, 因為佢既"高周波" 原理震入毛囊令毛髮容易拔出, 令毛囊不受刺激!
痛楚減少!!
脫一次可維持3-4星期, 而新長出的毛髮係幼既, 唔會好像鬚根咁硬!

但因為每條毛髮要用15-20秒, 如果毛髮比較密, 相對脫毛時間會幾長,
所以我個人覺得用黎脫腳毛同手臂呢d位係一定會令人發忟憎既 ~

如果主攻呢2個部位既女生我建議另找方法喇!

HKD 299 (產品跟電池2粒, 本店沒有電池出售, 額外電池需到外面購買)

注意事項 1. 每次使用時間切勿於1時間以上, 如使用期間有所不適, 請停止使用. 2. 請小心保管及勿讓兒童使用. 3. 非使用時請放於陰涼及沒有太陽直曬位置. 4. 此乃家用式脫毛器, 跟美容院用的有所出入. 5. 使用時請脫除手項,頸項, 介指等金屬物件. 規格 電力: 40V, P-P 高周波輸出 27.125MHz 可持續使用時間: 90分 大小: 165mm x 18.5mm x 21.5mm
1. 於需要脫毛位置, 請確保沒有水或化妝品塗上. 毛髮長度建議為3~5mm 2. 手持方法請看包裝內說明. 3. 每根毛上約20秒就可拔出, 如難以拔出的話, 可用熱毛巾敷係脫毛位, 待毛孔擴張才進行脫毛.

花梨化妝水

(200ml , HKD 218)

介紹一隻保濕效果幾好既化妝水俾大家, 特別係有乾燥肌既朋友!

包裝充滿和風的簡樸感~

無香味, 可能有少少甜味但好淡既,
質地用一般化妝水差不多, 唔會特別"傑", 我既用法係直接倒係手心, 輕輕按摩面部至完全吸收.
可以即刻感到皮膚充滿水份, 同埋滋潤.

我只需要係比較乾既 兩頰加少少乳液就OK, T位個D比較油多既地方唔駛再搽野.
我覺得而家呢個凍凍地又有D 潮溼既天氣用都唔錯.

無色素, 整體都係一隻溫和既化妝水~

但有油精成份, 對酒精敏感既朋友要小心喇.

日本人氣 美肌 Viviball

呢樣野係店主強力推介, 一粒粒銀色波波, 狀甚Cyber咁... 有咩用?? 點樣用??

用左2次, 跟足包裝上的按摩方法, 但好似無咩用咁既? 又話可以吸油去黑頭, 一d用都無喎!
但那邊廂店主又話d日本女仔讚到天上有地下無, 點解呢????????????

好啦, 上網睇下人地點講先, 竟然俾我發現到自己一直用錯哂!

不懂日文既我.....懶找資料, 我係拿起個粒銀波, 直接往面上按摩!!!
錯係邊? 就係我一直無搣開個層銀色紙呀..........!!

就係下圖個層銀色紙.....我一直以為係就咁用......


其實要拆出黎用架!! XD


俾我發現左正確用法, 即刻積極使用,
先卸好妝, 面要乾, 用一粒 Viviball 按照下圖按摩面部, 油脂多既地方如 T位可以來來回回"碌"耐D, 約按摩5-10分鐘就得.

之後再洗面.

呢個時候係會發現毛孔乾淨左好多!!
按摩完個面色又好d, 長期使用仲有瘦面功效!

毛孔蜴通正是保養既黃金時間, 大家知點做啦~~


每一粒 Viviball 可以用6次左右, 因為d 油脂佢係會吸收左係個波入面, 而且不能清洗.
所以基於衛生問題就不能用太多次.

(1個裝 $78, 4個裝 $228‏)

以下係証明 Viviball 由韓國 hit到日本既 video, 仲有少少用法可以參考下.

唔知大家對呢個新既吸油方法有無興趣呢?

PORORINBO 去角質粒凝膠

唔知大家會唔會係眼週, 頸位, 生左D 一粒粒好像肉芽咁既野?

毛孔會有D紅, 睇到有一粒一粒凸起物.
嚴重的話, 毛孔的顏色還會變深, 顆粒也會變得較為粗糙,
經常出現在上臂外側、大腿、頸部及整個 背部、臉頰上.

原來呢D 叫 "角質粒", 或者叫" 毛孔角化".


咩人會有呢?
首先係遺傳..., 不過唔駛咁灰住, 後天努力都有機會改善甚至令佢絕跡!

首先, 冬天乾燥既皮膚會令 "角質粒" 出現, 所以做好保濕, 保持皮膚有平衡既油水係好重要架.

(1) 沖涼水唔好太熱, 否則令皮膚更乾!

(2) 沖完涼立即搽上保水保油既乳液(即係要夠潤!), 特別係上面提到既高危既地方.

(3) 定其做溫和既身體磨沙, 輕力D, 不刺激既方法去進行, 令老舊既皮屑脫落, 預防毛孔阻塞.

(4) 多食Omega 6, 幫助皮膚增加油脂, 食物當中以魚類含量最豐富!

而呢一支日本出既凝膠, 就係針對"角質粒" 的, 軟化角質並加以修護.

可用係有問題既地方, 甚至係已經有"角質粒" 既地方, KEEP住用都可以得到改善架!

無色無味, 質地易吸收!

(18g , HKD 138-)

BLENDA PANTHER GIRL 眼線液

如果你中意利落既性感貓眼, 呢支BLENDA PANTHER GIRL 眼線液
(HKD 178),
就係你既選擇喇~!

由日本潮流女性雜誌 BLENDA X 生產商 SPARKLE PANTHER 所合作既眼線液,

以絕對不化開, 不脫落, 並且可以輕鬆畫出流暢線條為目標!

而且眼線液係一種名為 " 深海blue" 既藍黑色, 帶光澤感, 效果同普通液體眼線唔同架!

(以下圖片可按圖放大)




實物圖


一畫就係結實既黑色.


等我又試下先!

先黎兩幅"素顏"照~



先上眼影....


加一行粗粗地既BLENDA PANTHER GIRL 眼線液, 畫時其實可以大膽 d , 畫粗左都唔怕, 反正而家咁興用假眼睫毛, 一貼左上眼, 你或者會反而覺得條眼線唔夠粗添~


近睇, 光澤就係咁既意思~


我試加假眼睫毛既效果係咁!
其實畫埋下眼線會靚好多~



真係完全唔會甩色, 出去玩全日完全無問題, 條眼線會死守崗位 :)
但卸妝只要用普通卸妝水就OK了.


以上係BLENDA PANTHER GIRL 眼線液既簡單試用報告, 有咩問題可以係留言~

Kanebo Suisai 藥用美白UV 美容液

Suisai 呢條line, 我對佢既認識只有" 酵素洗面粉", 去日本都會買黎做下手信. 但原來佢既產品都好全面, 原本既系列以保水為主題, 最新系列就以美白為主喇, 睇到 keep 得咁好既藤原紀香CM, 我都想買黎試下喎~

美白系列包括: 化妝水, 乳液, 美白UV 美容液,
全部係藥用美白成份, 並有高保濕效果~

當中我最有興趣既係藥用美白 UV 美容液 (SPF+ 50+ PA+++), 高度防曬,
用上Essence 名字, 感覺上係唔止防曬咁簡單, 可能愈用愈白淨~?

suisai whitening UV essence 60ml $278

係官網到睇到搽防曬都有手勢, 唔怪得d日本女仔個個都白白滑滑!




Suisai 名物: 酵素洗面粉.

suisai beauty clear powder 15件 $98
suisai beauty clear powder 32件 $180