Orbis Clear Concentrate Gel

30g HKD188-
官網 http://www.orbis.co.jp/small/1151050/

女孩子的頭號美容大敵, 不用說當然是暗瘡!

除左青春期易生暗瘡之外, 其實皮脂分泌過剩, 肌膚缺水, 壓力, 荷爾蒙不平衡等等...

以上問題都會擾亂肌膚的新陳代謝, 引致暗瘡爆發, 這些就是所謂的"大人暗瘡".

日牌Orbis 其中一條 line - Clear Series 就專為這類問題肌而開發,

今次介紹其中一款產品: Orbis Clear Concentrate Gel (台譯:和漢淨肌精純修護凝露)

以多種中草藥為成份, 從基本改善皮膚問題, 平衡油脂和水份, 毛孔亦變得暢通暗瘡就絕跡了!

本人是混合外乾內油膚質, 因為呢幾日潮濕轉季皮膚唔穩定又谷暗瘡, 所以就拿拿聲拎黎用喇 :p

因為佢係"睡眠面膜"黎, 所以夜晚洗完面, 搽埋爽膚水就用佢當晚霜搽, 搞掂!
質地係透明啫喱狀都幾清爽, 立即訓覺都唔會"笠痴痴"架喎~
(如果係乾性皮膚, 可在中間加一層用開的保濕, 薄薄地一 層.)

第2朝起身, 如常洗面, 我用左3日之後, 谷緊既大暗瘡謝左而且黑頭粉刺係少左喎!

可以直接用佢取代晚霜, 又或者需要時加插入護膚程序用亦得!
上網睇過日本同台灣方面既用家評語, 治暗瘡效果大好評喎~ 簡單實用的好物!

日本@ Cosme http://www.cosme.net/product/review/product_id/2931910
台灣Urcosme http://www.urcosme.com/search/final-21916.htm

KOSE softymo玻尿酸高保濕眼唇卸妝液

繼續介紹另一款日本人氣商品, KOSE softymo玻尿酸高保濕眼唇卸妝液!

Kose softymo系列主力開架式的潔面用品, 數十種商品當中就以這款最廣受歡迎,
更是2008年日本網站@cosme總合大賞-第一名!

卸妝能力不須懷疑, 即使是防水的眼部和唇部化妝品也可輕鬆卸除.
在棉花上倒一蚊大小的卸妝液, 輕輕刷拭, 卸一次就乾淨了!!

含有玻尿酸保濕成分, 卸妝同時呵護眼週皮膚, 接近眼淚的中性成分, 即使入眼也不會刺激眼睛 :)

乳液狀質地用起來很清爽, 使用後可以不用過水, 這一點用於修補化妝錯誤就十分方便, 用棉花棒沾取卸妝液抹去NG位就可以繼續上妝.

230ml的特大容量在眼部卸妝液中實在少見, 難得的是價格相當便宜!
(要是面部卸妝剛用完又來不及買新的, 拿這一支來卸全臉也絕對沒問題!)



230ml, HK$88

官網 http://www.kosecosmeport.co.jp/index.html



@Cosme 總合大賞no.1
http://www.cosme.net/html/spc/0812/grand.html

E-cube 石鹼洗顏料 (いいじゃんガスール石鹸)

今次介紹一隻係香港少聽到既牌子イーキューブ (e-cube)

佢既洗面膏係日本好受歡迎, 係yahoo 鍵入呢個名, d 搜尋結果多到睇唔哂,
而且仲係2008日本cosme大獎 洗顏部門 no.1 添!


平平無奇的外表竟能擊敗其他廠家的洗顏料兵團?

含天然礦物質的粘土基質潔面霜, 粘土一向有優秀既潔膚功能, 幾油既皮膚一洗都清爽哂, 但粘土容易令皮膚乾燥既問題亦令人在意, 所以品牌特地配合玫瑰萃取, 蜂王漿, 骨膠元等成分, 讓皮膚得到溫和的放鬆, 並加強保濕效果, 絕不會造成負擔, 適合各種膚質使用 :)


只要取適量係手心加少少水起泡, 佢有d唔會溶既粒粒(ガスールの粒子)係入面, 可能係順便加少少磨沙功能?

打圈洗幾下, 係T位加強按摩之後過水, 油脂同D細細既黑頭就統統洗走哂喇!


呢個天氣用都唔會乾架, 有少少玫瑰的美妙香味, 感覺相當天然, 敏感皮膚亦OK, 安心的使用感就是得到大家支持的原因吧!

60g HKD 198-
官網 http://www.eqb.jp/index.html


http://www.cosme.net/html/spc/0812/category/basic.html

------------------------------------------------------------------------------------------------

除左大好評既洗面膏之外, 我還試用過同系列的美容液(グラン・ミルク)

光看包裝確實亳不吸引.......但是她的內涵令人驚喜!
白色的乳液質地不油不膩, 吸收得相當快, 說得上是零負擔, 而保濕效果卻極佳, 因乾燥而出油的皮膚亦得到改善, 例如我在晚上使用, 隔天起床不但沒有面油而且也不會覺得乾, 持久度十分不俗!

在日本人氣美容網站cosme.net的評價亦相當高, 是一個值得嘗試的保養品 :)



(30ml)

Orbis Eyecare Essence 彈力亮眼美容液

日牌Orbis 一向以簡約實用見稱, 揭開日本雜誌看到她在日本似乎相當活躍呢!

今次介紹她的新出品 Orbis Eyecare Essence

上星期拿到2包試用裝, 因為用量極省一小包竟然可日夜使用達4-5天!

這個眼部精華應該說是"o者喱水"狀.
吱出來的時候像是Gel狀, 但一搽上眼就變水狀很易搽, 使用起來確實很有品牌的"oil cut"感覺~ 沒有任何油份的, 害怕油脂粒的朋友應該會相當喜歡.

含保溼成份：玻尿酸、杏仁精華、明目精華、接骨木精華等等, 保濕效果亦良好, 上妝也不會出現乾紋. 不過玻尿酸(透明質酸)會有少少sticky, 不過對化妝沒有影響的喔.

另外不可不說的是, 她的緊緻提升效果十分之好! !
如果嫌對眼不夠精靈, 不夠訓, 佢既效果就好明顯, 搽完已經覺得拉緊左, 對眼精神左好多~!

28ml HKD 215

日本官網介紹: http://www.orbis.co.jp/small/6103070/
台灣官網介紹: http://www.orbis.com.tw/orbis/OrbisWeb/product_page/product_page.jsp?rowIndex=1

兒時的可愛漿糊

猜這是什麼? 幼稚園時代用的漿糊?

答案是: 好朋友潤手霜 (なかよしハンドクリーム)

這麼懷舊可愛的包裝, 一看到就不禁想到小時候的快樂時光, 果然只有日本品牌才想得出來喔!

在日本好評發售中~

在乾燥的寒冬之中不能缺少的保養品, 推薦這罐外型內涵兼備的"懷舊漿糊潤手霜"

HKD 55 (50g)

淺藍綠春妝練習篇

雖然香港仲係好凍, 不過各大品牌既春天系列好快就登場喇!
係未決定點敗家之前, 試下用之前買落既眼影, 練習下先!

今次用我自己都好少用的淺藍色 + 淺綠色 !! (靈感來自Shu Uemura S/S09)



而我用既係停產左N年既 "PN"!






呢粒"MJ" 銀白眼影做 high light 十分靚, 又唔會太白, 好自然!



(1)因為眼影色偏淡, 所以眼部既底妝要盡量化白淨 d, 我直接用淺色少少既粉底搽係眼既四周.
(可惜我既千年黑眼圈就始終遮唔哂..... )


另外眉毛色盡量畫淡啡色, 咁先唔會搶左d眼影鏡!



(2) 先用(A) 深少少既綠色搽係眼窩位置.



(2) 跟住就用(C) 掃係眼窩中間至到眼尾, 綠色同藍色交界位置可輕輕左右掃2掃等佢自然D.


(3) 係眉山用(B) 淺綠色做High light, 之後再可掃少少銀白色, 個妝立體 d



(4) 用細眼影掃把 (C) 淺藍色眼影搽係整條下眼線.
跟手用銀白色眼影掃係眼頭同埋下眼線既前 1/3 位置.


(5)最後搽埋睫毛液就可以收工! (其實用啡色就最好睇, 個妝 Soft D, 但我手頭上沒有...所以又是用黑色)

(補充: 因為室內拍攝, 顏色偏淡.... )

簡單灰紫色Party妝教學

各位新年快樂!

咁耐無寫野, 今日我就唔寫試用報告住喇, 不如試下寫化妝好嗎?
如果店長唔kill post 同埋無人反對既, 我應該會keep 住寫下~ (雖然我化妝都唔係好叻... :p)

希望各位喜歡啦!

(1) 先用 (A) 搽上眼窩位打底, 跟住用黑色眼線筆畫一條粗眼線, 約1mm.

(2) 用細既眼影掃好似我呢種就最好用, 將眼線輕輕"捽"散, 個妝無咁死實實.

(3) 之後就用 (B) 色掃上眼皮前半Part, 後半 part就用(C)色, 係中間連接位輕輕左右掃一掃咁2隻色就會自然混合.

(4) 呢個時候, 就再畫多一次眼線, 畫完又用掃捽散佢, 之後再用同一支掃掃少少黑色眼影, 掃上條眼線上, 眼尾位可以粗d. (呢到忘記拍照....)

(5) 上眼皮搞掂!

(6) 跟住就畫下眼線喇, 畫完又捽散佢! 之後搽少少 (B)色眼影係下眼線上, 等個眼妝上下色彩 match 返.

之後係下眼頭1/3位置 點少少銀色閃粉, 再搽埋mascara 就大功告成喇!!