Kumargic 眼霜 同熊貓眼講拜拜

恭喜發財!

今日大年初二, 祝各位心想事成, 身體健康~!

呢個星期大家都忙緊過年既事, 又要大掃除又要買賀年禮品之後又要趕去拜年,比平時更加忙碌喎~

我趁有空檔就即刻上黎報告下呢期試緊既好野俾大家!!

今次介紹一隻唔錯既眼霜, 佢主力去黑眼圈, 效果唔錯架,
係網上google 一下Kumargic 眼霜, 你就會睇到好多好評喇~!

各位係虎年可以同熊貓眼講拜拜喇!




Kumargic 眼霜 (20g) 容量超大!

雖然包裝普通到不得了, 但用左一星期左右又真係睇到眼圈淡左,
當然又不是完全無哂, 但係明顯淡左.
我化妝時眼下既遮瑕膏我都用少左.


白色, 無香料成份, 低刺激性.

每次用一粒黃豆份量, 因佢質地唔笠, 吸收得好快, 唔駛擔心出油脂粒.
如果眼皮膚超乾既可能覺得唔夠滋潤, 建議可用左Kumargic 後再薄薄印少少用開既眼霜係特別乾既眼肚, 眼角位.