資生堂"專科"保濕化妝水

 店主從日本帶了這款資生堂"專科"保濕化妝水的試用包回來,

其實一開始睇見 "專科" 2個字都唔知係資生堂既出品, 只係奇怪點解用一個咁"醫院"既名字....

加上佢零零丁丁得一包化妝水, 完全沒有洗面同cream 咁一套俾我試, 我都懷疑過究竟試唔試到

效果...

不過我當然本住試下無妨, 個日洗完面就開左一包用, 首先倒出黎既化妝水係偏"結"身, 少少似啫喱水咁, 通常我遇到呢類質地都唔用化妝棉, 改為直接倒入手心, 按摩至吸收, 等d成份可以完全入哂皮膚.

太約30秒時間d 化妝水已經吸收得七七八八, 感到面上保留左一層薄膜, 但不覺得侷促同油膩,咁跟住我習慣用返自己既面霜加強鎖水效果.

一包試用裝, 我用左3次, 第二個早上我就 feel 到個效果喇~ 首先一早化妝, 覺得d毛孔比平時細左! 因為呢排天氣乾燥得緊要, 我早上搽完哂d面霜, 個底都係仲有d "猛猛緊", 但用左 "專科"個2日, 真係改善左喎!

因為支化妝水真的幾好, 我即時上網搵下有沒有成個系列既資料, 打算拜託店主幫手訂貨, 點知所謂既 "專科", 成個系列真的只出一支保濕化妝水!!!!!!

睇黎資生堂真的對呢支化妝水充滿信心, 認為一支就可以解決乾燥肌問題!
我試過都幾同意既~

講左咁多 , 介紹下呢支"專科"保濕化妝水, 分 清爽 同 滋潤 2款, 我使用的是滋潤型~
肌膚缺水的朋友請務必嘗試,  一定不會失望的!!

200ml   , HK$ 138.  (價格以店面為準)

官網: http://www.hada-senka.com/product/index.html