日本版 VO5 Super Keep Hair Spray

我對髮型用品牌子 VO5 既認知只係得" 5 分鐘焗油", 其實佢既日本版仲有其他護髮用品,
其中有呢支 for women 既 "Super Keep Hair Spray"

微香性 / 無香料
3個size : 330g / 180g/ 50g

上佢既網頁 (按我) 除左有產品介紹之外, 仲有埋 step by step既 set頭步驟, 大家可以跟住試下~


呢個係長髮造型, 只要15分鐘就可以由普通直髮變成狂野捲髮!


跟住都是長髮, 不過就係高貴style, 只要8分鐘就搞掂的!

簡單的髮尾捲曲, 其實過耳仔的長度都可以整, 好像謝安琪個 d 內捲 bob 頭咁.

有好用既定型spray , 當然都要加一支捲髮器先變得出唔同造型啦,

我下一篇會介紹日本最 hit的捲髮器!!

塋之部屋 銅鑼灣推廣中心

由即日起至5月28日, 我地塋之部屋係銅鑼灣有一個推廣中心.

地點: 銅鑼灣啟超道及恩平道交界

營業時間：1pm - 11pm

重點推廣產品:

日本人氣染髮劑 (Palty/ Beauteen/ 花王泡沫染髮劑Prettia..)

美肌一族

以及少量日本熱賣貨品

如欲參觀全部貨品, 可以行多幾步到我地塋之部屋既銅鑼灣店:

地址:
銅鑼灣渣甸街23號兆基商業中心19樓全層

營業時間：
星期一至五: 下午12~8時

星期六: 下午12~6時

星期日: 下午2~6時

公眾假期: 休息

Orbis Petit Shake 瘦身營養奶昔

夏天好快又到喇!

係時候睇定靚靚bikini, 買定防曬用品, 當然仲要積極 keep fit啦!

成日坐係office 既朋友, 想走動下都唔得, 卡路里無法消耗, 咁就應該減少卡路里吸收, 最簡單就係食低卡食物, 例如 "Orbis Petit Shake 瘦身營養奶昔"

好味又簡單, 只要同100ml 既牛奶或者無糖豆漿混合就飲得! 有時工作忙唔得閒食飯, 飲一杯又有營養又飽肚!

每份只含147~157kcal(已包括100毫升，約69kcal牛奶)

一個文職既女士, 一天大約須要 1200 - 1700 卡路里, 視乎運動量而定.

每日用佢代替其中一餐, 其餘2餐只要唔好大魚大肉, 就可以輕鬆減磅!!

一盒7包 , 共有8 種味道, 唔駛飲黎飲去同一樣咁悶!

(草莓味/香橙西柚味/香甜蘋果味/混合桃子味/菠蘿芒果味/混合莓果味/香蕉味/ 提子盧薈味 09年新味道)

化妝惑星 12星座美肌化妝液

多年以來只在日本國內限定販售的資生堂『化粧惑星』, 相信愛到日本便利店掃貨既女仔都會認識佢, 得意既包裝同非常合理既價錢, 總會令人"唔覺意"買左 1-2件返香港 :p

今季化粧惑星請來3位美女做代言人, 包括人氣女演員香里奈 / 模特兒長谷川潤/ 太田在.
廣告拍得好 fresh好夏天~

今次推出左一樣產品, 好像幾得意咁, 叫做 12星座美肌化妝液!
其實星座應該同個功能無咩關係, 不過個命夢幻d咁姐~

不過吸引處係佢用法簡單, 早晚洗面後用佢一支, 就搞掂哂護膚程序!

人地 3 -steps 都夠簡單架啦, 佢把爽膚水同乳液混合, 變成 2 -steps!



而且佢仲分左 3個配方

(I) 油性皮膚 , 粗大毛孔 適用

(II) 暗沉, 無光澤皮膚 適用

(III) 乾燥 皮膚 適用

尊馬油

手頭上有一支尊馬油既 sample , 一直提唔起勁試下, 唔知點解總係覺得好肥膩唔多吸引....

昨天熱熱地開左冷氣訓, 點知d手腳皮膚即刻好乾, 猛猛緊咁, 正想搵野搽下之際就望到支尊馬油, 咁就順便試下好唔好用啦.

我以為馬油的質地會好像肥膏咁杰身, 原來好流質好像 lotion咁, 我估天氣凍時佢就會凝固, 脂肪通常都係咁. 同埋佢係無色無味的.

倒左1蚊咁上下份量搽2隻手臂, 好易搽而且都吸收得好快, 呢個天氣用估唔到都適合, 又無覺得"笠", 如果好怕油個種感覺既, 吸收剩個d可以用紙巾印一印都 ok!
只要控制份量就全年都用得, 而且佢純天然, 全身都用得(潤髮ok) , 細路仔都用得架!

在網路上找到的資料:
馬油(horse oil)含有豐富不飽和脂肪酸，其中的亞油酸及亞麻酸，也稱為維生素F，可供給皮膚營養， 維持皮膚健康， 並可調節皮膚生理機能，幫助維持皮膚自然治癒機能， 促進新陳代謝， 減少肌肉疲勞感。

阿婆化妝水

繼續 "阿婆系列".

除左洗面粉, 呢支化妝水都好好用, 試左一個星期, 真係好保濕!
之後搽的保濕乳液我都可以改左一支清爽d既用.

適合任何皮膚使用.
(本人是混合性皮膚)

質地是透明無香料的, 亦唔似洗面粉咁有dd怪味 :)
"傑"身過一般的化妝水少少, 但唔會難吸收的.

因為無防腐劑, 所以一樽只有30ml, 等大家快少少用完確保品質良好.

建議直接倒係手心後搽上面, 好快就吸收哂, 份量好像下圖咁就夠了.
化妝棉都可以慳返 :p

美肌一族 朱古力保濕面膜

美肌一族同日本人氣甜品師傅 crossover 既朱古力保濕面膜~

女孩子普遍愛吃朱古力, 所以多左護膚品用左佢黎做賣點, 而其實除左甜到漏既香味, 朱古力既主要成份 "可可豆" 確實有保濕, 預防暗瘡既美肌功效架.

一打開包裝, 聞到一陣濃郁既朱古力味, 拎塊mask出黎個下真的嚇一跳!

啡紅色??? 有d 驚嚇呀!!

原來因為"可可豆"本身是一種啡紅色的果實, 所以塊mask 都做成啡紅色.....!

一如以往, 好多美容液, 好在d 美容液是透明的 :p

取出面膜覆蓋於臉上, 美肌一族既面膜剪裁大細一向好貼面, 又夠大張.

待 5 -15分鐘就OK , 但我通常等到 20分鐘先除落黎.

我用少少爽膚水抹淨剩下的美容液, 皮膚變得好柔軟, 唔搽野都ok. 保濕但又唔會潤過頭,

至於包裝上寫的"小顏"效果, 真的要用多幾次先知喇 :P

適合油性 - 混合性皮膚用.

剩下的美容液當然又是搽埋手手腳腳~ 成身朱古力味!