Chacott for Professional Enriching creamy foundation HD 高清粉底

呢支粉底其實都用左一排, 之前一直覺得效果唔算好超卓, 普著通通咁所以拖左2個月都唔寫.

之但係呢個星期天氣涼左, 濕度低左, 我又姑且試多幾日, 果然效果比之前廿幾三十度好得多喎!

Chacott既粉底有呢隻creamy 係俾乾性皮膚, 而另一隻liquid 就適合油至混合性皮膚.



可能我既皮膚夏天唔算真係好乾, 之前用一直都覺得d粉甩得快, 而且唔夠貼伏.
到真正入秋, 佢就變得剛剛好, 問題無左, 亦keep得耐, 唔駛點補妝, 有面油既話用紙巾印印就得, 個妝都好完整.

效果大家看下圖啦, 都幾好架, 張相我都無執過, 係CUT走左一半面囉 :)
佢遮毛孔OK, 但我的嚴重黑眼圈就只可遮到7-8成, 暗瘡印都只係一般, 但整體都尚算不錯啦!

樂敦 養潤水

樂敦出既眼藥水非常多, 今次呢一隻"養潤水" 比一般既人造淚水不同, 佢係以"修復"為賣點!

即係普通眼藥水只係幫你即時解決乾澀眼紅痕癢...等等, 而佢係可以在晚間訓覺時候, 幫助眼睛細胞自我修復, 咁因為對眼健康, 就會慢慢減少倚賴眼藥水, 唔駛成日唔舒服要狂滴眼藥水.

用法同普通眼藥水, 佢都有少少清涼感但不會太刺激, 有需要可以一日滴5-6次.

(不建議帶隱形眼鏡時使用)

花王 蒸氣眼膜 薰衣草甘菊 14枚入

曾經介紹過既花王 蒸氣眼膜, 本來只有無味既先出大盒裝,
可能產品持續受歡迎, 所以而家連薰衣草同甘菊都出左14枚裝喇~

Chacott 總店之行

由於Cosmeticsbb 係「Chacott for Professional」Cosmetics系列香港及澳門區經銷商,

所以上星期店主同埋一位資深員工就專程去左日本Chacott 總店,

學習化妝技巧同產品知識. 等我貼幾張圖俾大家睇下先~~

Chacott 其實係日本好出名專門製造舞蹈服飾既公司,

佢推出既舞台化妝品就深受大家既支持~

我地非常榮幸, 由 Chacott for professionals 既創辦人 酒屋仁 先生為我地講解化妝既技巧,

圖中佢正為 model 化緊一個舞台化妝.

舞台化妝我地可能未必用得著, 但以下呢個 HD 高清化妝, 大家又覺得點呢?

最新 好朋友檸檬蜜糖面膜

好朋友又有新搞作, 今次令人意外, 竟然出面膜 !?

我初初以為係一樽面膜膏, 但原來係一塊paper mask! 即係一個頭= 一張mask,
有點唔環保咁, 唯有用完留下個頭裝下小飾物或者種花得唔得呢?? 你地用完會點 recycle 呢?

講回面膜, 質素方面有點出人意表....邊睇相邊解釋~~

一塊mask 就係捲縮係個頭入面, 揭開面層膠紙, 聞到檸檬茶味 !!
拉出塊 mask , 充滿滑嘟嘟的精華, 塊面膜既質地亦夠彈性, 厚薄適中.
敷上面, 大家睇到面膜剪裁都幾合面形, d 角位鼻側位都覆蓋得到, 幾貼面, 仲可以敷埋對眼, 相當滿意!

我敷左20分鐘(其實10-15分鐘夠哂), 因為精華好多敷極都仲有所以唔捨得除 :)

之後用雙手輕按皮膚, 在面上的精華就會吸收埋, 我開頭都仲覺得少少"笠", 但坐底上完一陣Facebook, 摸下面就覺得清爽左好多, 唔駛過水架喎, 之後睇情況搽返dd 面霜就得, 我覺得好適合而家秋天用呀~

敷左d 乾紋無哂, 塊面仲好像 firm 左!!而且T位出油情況改善左, 我自己就好推薦喇!

"好朋友" 真係出親咩都幾好用, 呢塊Mask 未知價錢, 會盡快update!

預告

呢個十月無咩新野試, 因為店主忙於九龍灣分店既事宜唔得閒俾野我試,
但佢上星期飛左日本掃貨, 仲去左 Chacott 既總部學習貨品知識添!!

所以黎緊就會多返d 試用文同日本新品資訊帶俾大家, 希望各位睇得開心喇!

** 各店的Chacott 產品亦會愈來愈齊全, 有無邊一樣野你地想我寫試用文呢? 歡迎提出 :)

DHC TGC SGC Special Set

呢一套 DHC SET 係 配合日本最受注目既 fashion show "Tokyo Girls Collection" 推出既.
(即係Angela baby 同 周秀娜 都有行的那個 show, 之前報紙成日講.)

SET 內有DHC 既暢銷產品 另加一款杯:

DHC Eyelash tonic mini　限定品　3mL x 1
DHC薬用 Lip Cream　1.5g x 1
DHC薬用 Deep Cleansing Oil mini bottle 20mL x 1
限定杯一個（可選Tokyo Girls Collection 或 Shibuya Girls Collection)

所有產品都係Mini size, 想試下DHC 呢3款產品既朋友就FIT哂, 用完好既先買貨Size :)

每套$158 , 限定發售中.