Chifure美白保濕精華

Chifure美白保濕精華 (HKD 110)

又黎講下這個低調日牌, 見天氣愈來愈乾燥, 緊係要搵D野黎搽下啦~
個日上去鋪頭, 見到呢支平平地, 個package 大大隻字寫住"美白力" 同"保濕力" 好像幾吸引, 就買支回家試下喇!

吱出黎係好水, 其實質地有D膠質咁, 如果你地用過aquamoist 個種含"透明質酸"既精華就應該明我講咩喇, 不過Chifure 呢隻就稀d水d, 無咁"膠水".



呢隻精華好易吸收, 洗面後 ---> 化妝水---->揼2下精華搽哂全面----> 係開罐面霜黎搽既5-10秒, 精華就已經完全吸收哂, 一d都唔"lup"架, 可以稱得上零負擔, 用完仲好滑漏 tim!

暫時用左一星期, 美白效果就未見到, 不過真係好保濕喎, 我朝早用完佢就直接上RMK的保濕Make up base + 粉底, 都不會好乾甩皮咁, 而且唔會同d化妝品撞而擦出d "刷膠碎".
而且吸收得快就 fit 哂早上生死時速咁既上班族 :p

呢個價錢, 呢個質素, 值得大力推介 :)

Jill Stuart 2008 Xmas Collection 現正開始代購

訂購價 $950 (訂金 $500)
限售 20套 (售完即止)
如要訂購請電郵 info@cosmeticsbb.com 或向店員查詢 ^_^

日本 DARIYA palty 閃粉眼線膏

附眼線刷子, 共3色. (HKD 128)

今次試用色是bling bling 金色~
gel狀質地的閃粉.



配合MJ金色眼影 + 加黑色眼線筆(沒有影相)



簡單之極的試色妝就完成了! 閃粉眼線膏只刷在下眼線, 約2mm粗.
相片顯色比實際上淡了, 其實是幾閃的.

臨近聖誕節應該可以大派用場的妝物!

Angel Cotton 日本精製水保濕面膜

在日本和台灣似乎相當受歡迎的 Angel Cotton - 日本精製水保濕面膜

先來少許簡介 :)

．100%天然純綿搭配精製水貼膜, 觸感柔細.
．完美引導出明亮細緻肌感, 加強導入其他保養品精華.
．隨手包設計, 外出攜帶方便.
．無香料, 無著色, 不添加防腐劑.

其實即是便利版的"Lotion Mask", 本身已充滿保濕成份的精製水, 還可依情況加入精華液來個豪華面膜, 即使單用, 也可幫助之後的保養品的吸收喔!


一盒20包 (HKD 78)


一包有2塊棉花, 其實還可以好像我咁慳D用, 撕開成4塊, 咁一包就可以敷全臉了 :P


第一次使用 (單獨使用)
洗完臉直接使用, 沒有搽化妝水, 使用時間約10分鐘.
摘下面膜後首先覺得毛孔細緻了, 而且冰涼的精製水亦有不錯的保濕功效, 皮膚也比較不粗糙, 如果在日曬後使用應該十分舒服. 之後要搽返用開的保濕用品, 將水份鎖住!

第二次使用 (與保濕精華液一併使用)
洗臉後, 把保濕精華液倒在面膜上, 略整理平均後就敷上臉, 同樣是10分鐘.
今次的效果更好喔, 保濕精華好像吸收得很完整, 而且皮膚亦變明亮了點, 保濕效果果然加強不少!
第二朝化妝亦很貼服, 面油亦較平時少!

小總結:
懶人(如我) 應該相當喜歡Angel Cotton吧!
一包兼具化妝水和面膜的功能. 雖然本身的功用只是保濕, 但附帶的"導入"效果卻相當不錯, 建議配合不同的精華液使用, 相當適合秋天的乾燥氣候 :)
經常外遊的朋友如果不想次次又帶mask又帶化妝水咁麻煩, 可以選擇帶Angel Cotton喔!

MA CHERIE Hair Fragrance 髮香噴霧

Hair Fragrance 髮香噴霧 100ml (HKD80)

第一次介紹髮型用品, 但這支不是定形噴霧, 而是髮香噴霧.

我那一支是年初在日本旅遊時誤打誤撞購入的, 效果竟然十分不俗, 是我少數愛用及每天必用的美髮產品!

例如外出一整天, 美髮用品一定不多不少會和頭皮上的油脂產生作用, 就是所謂的頭油味, 但若果我早上噴了這支髮香噴霧, 可維持一整天的花香氣味, 完全擺脫頭油味的煩惱, 和別人近距離接觸也不會尷介喔!

即使光顧完燒肉店或卡啦ok, 仍然可聞到陣陣香氣!
(本人少去吸煙場所, 難以評估抗煙味的能力)

我覺得味道是甜美果香十分討好, 雖然噴出時味道較濃烈, 但過一陣就會清淡返, 我覺得好好聞tim :)
一支(100ml), 我日日使用, 大半年都仲未用完, 可算十分襟用!

**類似產品還有SEXY GIRL HAIR COLOGNE (共3種香味), 用完MA CHERIE 都想試下.

日本花王的新出品 - 蒸汽眼膜 !

日本花王的新出品 - 蒸汽眼膜 !

聽個名已經好吸引, 特別係我地呢D 一日到黑對住電腦唔願行開既人, 長期雙眼都疲倦無神, 就更加期待喇!

昨天收到試用品, 當晚就急不及待開黎用! 先黎介紹下:

一盒5包 ($68), 有無味, 薰衣草味, 甘菊味 3種選擇, 而無味既仲有大盒裝共14包眼膜($180)

使用方法極之簡單, 打開一包, 拎個十足似眼罩既眼膜出來, 戴上就得, 要注意佢就好像那些暖貼咁, 一打開左包裝, 就自動發熱, 如果唔係準備用既話請不要打開, 否則就浪費了.

幾時用最好? 任何覺得雙眼疲倦或是想 relex下既時候都適合.

好喇, 我選擇了甘菊味的蒸汽眼膜試用 :)

打開睇下先...... 眼膜面是碎花圖案, 底部(即是對眼個邊)是柔軟的棉質, 質感幾好.
因為戴左眼膜之後咩都睇唔到所以我索性訓係 sofa 上休息下, 聞到陣陣甘菊味, 雖然隻味唔係好天然不過都OK, 唔係太濃烈, 亦有助放鬆心情, 個眼膜約30秒至1分鐘先至熱得哂, 溫度不會太高, 盒上說明是40度, 這個度數絕對不會整傷眼睛, 可放心使用.

敷既時候確實係幾舒服, 暖笠笠, 我估冬天用仲正! 敷左約 10 分鐘除低個眼膜, 摸到有水份在眼週, 我本來都醒唔起係蒸汽(我一直都以為係一對會發熱既眼膜咋...), 仲諗緊係咪眼淚水...哈哈...係睇返個包裝寫住 "蒸汽浴"先知囉..
因為佢有蒸汽, 所以如果化左眼妝就不建議使用, 個妝一定花哂呀.

用之前, 雙目無神, 用完之後好明顯對眼精靈左, 黑眼圈仲淡左少少 tim(可能是血液循環好左既關係), 感覺真係幾 relex 喎! 效果都幾意外~

建議長時間對住電腦, 外出工幹, 旅遊, 或想拯救無神雙眼既朋友使用喔!

我自己就好滿意效果喇, 已經諗緊入返幾盒派俾 d親戚朋友試下 tim :)

誠意推薦給各位!

美肌一族3週年紀念限量版

隆重登場的美肌一族3週年紀念限量版 !

內容包括:

1．透亮光澤華麗魅惑唇蜜 x1
2．蜂皇漿精華保濕DX面膜 x1
3．仙人掌滋潤飽和水感面膜 x1
4．珍珠白皙保濕面膜 x1
5．白樺美皙保濕面膜(復刻版) x1

平時一塊面膜都賣$40左右, 唇蜜$95, 現在咁多野只售HKD170! 入返幾盒過冬都抵.

今次套裝入面除左有品牌既暢銷產品外, 還有一塊特別版 "蜂皇漿精華保濕DX面膜", 即係下圖個塊女王樣Mask, 亦係今日既試用主角!

用開美肌一族既朋友都知道佢既保濕效果一流, d 精華多到可以搽埋手手腳腳, 而這塊"蜂皇漿精華保濕DX面膜" 究竟有咩特別呢? 坦白講我唔識日文又找不到網上資料, 就等我用過後講下同普通版既分別啦~

好! 首先打開塊Mask, 聞到好清香我估係蜂皇漿既味道, 精華當然又係多都瀉, 要快手快腳敷上面, 面膜Size 同埋剪裁都好Fit, 鼻側都可以覆蓋得好好(根據我塊面中等大小來講)
睇左半集"珠光寶戲" 塊Mask都係仲好濕潤, 我又繼續敷多15分鐘先拿走, 剩係面上既精華順手按摩一陣等佢吸收埋, 第一時間梗係照鏡望下有無白左先? 少少啦, 其實應該用明亮黎形容, 摸落明顯比"珍珠白皙保濕"即是粉紅色最多人用個隻更加潤, 如果係油性皮膚可以會唔太中意, 但乾人用就好好了, 用完個樣好像無咁殘, 有返d光澤! 不過對收毛孔就無咩特別作用喇.

簡評就係"蜂皇漿精華保濕DX面膜" 主要係滋潤方面再加強! 極度乾燥, 倦容或是缺乏彈性既肌膚用佢就最適合了, 若果好怕"笠"既朋友, 敷完抹返爽膚水就ok了!

另外就係敷左呢塊Mask, 第2日化妝易左又貼左 :) 算係少少驚喜啦!