好朋友 UV Cream

記得這個可愛的包裝嗎?

早前推出過潤手霜的 "好朋友", 現在還出了SPF25/PA++ 的"好朋友UV CREAM",
齊齊對抗太陽紫外線的威力!



仍然是睇見到想笑的黃色頭紅帽仔~ 仲戴左副"超"添!
隨盒附送多2款時尚太陽眼鏡.....................................貼紙! 可以同好朋友換下Look :)


除左得意外表, 內涵都好重要, 其實我對呢一間廠商(Prestige 株式會社) 好陌生, 完全未用過佢既產品, 但試用過呢隻UV cream 後覺得非常ok喎, 驚喜~

純白色, 搽左唔會變白面人.
沒有香味, 但有輕微太陽油味.
清水已可輕易洗淨, 適合一家大細使用!

首先講下質地....有點難以形容, 我從未用過呢種質地, 好似.....實正既豆腐, 有d彈力咁...請大家幻想一下.....

推開個後質地變乳液, 用好小份量就搽到好大範圍, 上圖我手指上的份量足夠全面用!

記得一定要搽薄薄地就夠!

剛搽勻會有d"笠", 過左2分鐘左右就吸收哂變得乾爽, 唔會油膩.

我呢2日都用佢做 "化妝下地" 即係底霜, 早上用完阿婆洗面粉就直接用好朋友UV cream. 沒搽其他保濕, 之後就上粉底化妝各樣, 睇天氣報告濕度得4-50度左右, 都算乾燥, 但我覺得無事喎, 塊面一 d都唔乾, 唔會猛猛緊, 又無甩皮, 個妝貼過平時好多, T位仲出少左油, 下午補妝又唔會"cake"粉, 放工個妝仲好靚, 成件事好掂喎!! 讚!!

我試過用粉底液 同埋 2-way cake既配搭, 2樣都無問題, 個妝 keep 耐左好多! 保濕效果Good!

可愛實用, 送禮自用兩雙宜 :p

今夏強烈推薦!!

Magic to Love Sakuraberry 2009 限定

今年推出第3次限定的 Magic to Love Sakuraberry 2009

繼續以甜蜜花果香氣, 讓大家置身於夢幻般的戀愛氣氛之中!

前味: 櫻花 / 黑莓 / 覆盆子 / 西柚

中味: 茉莉 / 紫羅蘭 / 鈴蘭 / 依蘭花

後味: 檀香 / 麝香 / 香草

甜美花果香感覺浪漫! 我呢2日搽左返工, 有同事讚 :P

隻味大部份人都會中意~!

噴多左都唔會覺得"俗", 個味亦唔似歐美牌子既香水咁成熟.

香味一般可維持 4-6小時, 如果想隻味 keep得好d既話,

可以試埋佢今次推出既同香味身體保養系列 :

髮香噴霧 (日本真係好 hit用呢樣野, 風吹起 d頭髮都要有香味 :p)

body milk (除左香仲可以保濕.)

body mist (夏天怕用milk 會"笠" 就可以試下用呢種保濕水)

**全部都係限定!

用哂全套就可以由頭香到落腳喇~!

Searun 阿婆洗顏粉

包裝甚為醜樣的"阿婆洗面粉", 雖然不是新產品, 但在網上有累積了相當多的好評,

今次就為大家介紹一下~!

又是一個無添加的出品, 不含防腐劑, 界面活性劑, 凝固劑. 給大家一個天然的潔面選擇.

要注意它的使用期, 開封後的3個月要用完, 期間不要沾到水, 以保持最佳品質, 而實際上如果以15g容量計算, 早晚使用的話2星期就可以用完了.

取適量洗顏粉在手心, 加少少水就可以輕易起泡, 但呢個時候佢會發出d 怪味.......証明果然沒有加香料!

用泡輕按面部, 仔細按摩後過水.

洗完之後完全不覺乾燥, 感覺清爽, 但潔力唔錯, 鼻上的黑頭可以睇到少左, 第 2 朝起身面油都無咁多喎~

係網上睇到好多feedback係話用耐左連毛孔都收細左, 我都要努力keep 住用一排先!

官網按此

MA CHERIE 粉紅洗髮系列

Shiseido 其下的 MA CHERIE 護髮系列一直都有不錯的評價, 我本身就超愛她的Hair Fragrance 髮香噴霧, 每天出門前務必噴一噴先走, 清甜的香氣令人心情變靚~

今次來試用她的粉紅色洗髮系列:

極緻亮澤洗髮露 N + 潤髮乳

一倒出洗髮露就有甜甜的花香味, 很Relex~

洗髮露輕易就能洗出豐富的泡沫, 清潔度都好OK, 我早上用了造型用品, 洗一次就乾淨了完全沒有殘留.

而潤髮乳的質地就比較清爽, 開頭還擔心滋潤度不足, 因為我昨天放工突然心血來潮跑去電了髮, 髮質無可避免地蓬鬆乾燥, 但試用後又不覺得毛橾, 髮質好柔軟, 帶光澤, 感覺唔錯!

至於去頭皮方面, 我一向無呢個問題所以試不出來啦, 請見諒 ~!

唯一美中不足就係香氣不太持久, 頭髮乾了之後味道就淡很多, 所以還是要拿出我的髮香噴霧加些香氣 ~ :)

Orbis 清爽防曬噴霧

今天外出吃午飯時, 發現好好天氣, 仲曬左好多....

雖然氣溫唔太高26度左右, 不過都唔可以睇小紫外線既威力,

"拿拿聲"介紹下防曬用品俾大家先 :)

我一向都會用有防曬的粉底, 所以好少單買面部防曬,

反而 Body 專用既就會成日試下邊隻好,

上年夏天我就用過Orbis 呢一隻"清爽防曬噴霧", 覺得幾好, 今年都會再入貨.

我對防曬既要求第1個就梗係唔可以俾我曬黑啦!

而且絕對唔可以"痴笠笠", 夏天咁熱已經流哂汗, 如果隻防曬仲要係笠既就真係接受唔到,

俾男朋友掂到D手腳咁笠真係好尷尬....好似好污漕咁!

呢隻噴霧 就一定無問題, 佢係超微細清爽粉末, 真身用過一D都唔會笠,

著左絲襪都噴得添!

同埋佢係壓縮噴霧, 即使成支倒轉噴背脊都OK, 全方位都做到防曬!

防曬度數SPF20 / PA+ , 唔係好高但上班行街夠哂,

而且佢係噴霧, 擺定係手袋隨時補幾下都好方便.

(容量80g, 中型手袋一定放到, 而且唔重!)

含有薄荷清爽成份, 噴落去涼涼地, 夏天30幾度用都真係好舒服架~!

貫徹Orbis 既特色 : 無油份、無香料、無染色料, 敏感肌都適用.

Intergrate 09 春妝

雖然 Intergrate 一向都主力推出實用的OL色系, 但今季的造型照我覺得很吸引,
這是傳說中的"療癒系"妝容?
淡淡的色彩充滿溫柔的眼妝, 胭脂和光影很漂亮, 再加上如果凍一樣的唇彩, 很好看喔!

今次的主打產品是這款新出的: 水豔柔光唇蜜 (共8色) 按此

以彈力矽膠製的刷頭, 輕易做到如玻璃一樣清透的雙唇,

顏色方便 BE230 , PK395 我覺得非常好看!

網頁還有一個極之實用的功能, 就是以唇彩為主, 自動推薦適合的眼影, 胭脂組合,

那就可以完美地選擇絕配的彩妝!

例如下面 :

唇彩RS394 最配合的眼影是BL740 或 VI710

最配合的修容蜜粉是 WHITE 或 PINK

最配合的胭脂則是 RD310 / PK210

歡迎留言查詢~

花言葉 Nail color

春夏天一向流行粉色糖果妝, 為左由頭靚到腳, 配合既指甲油都好重要架~!

咁o岩睇到Kose 有一個以 "花言葉"為主題既甲油系列, 所謂的 "花言葉" 就是"花語",

每一種花都有一個象徵意義, 例如紅玫瑰就代表熱烈的愛情.

官網 按此

整個主題充滿詩意, 連挑選顏色都有幸福感覺!

每個月份都有代表的3種花, 合共36色. (5.5ml)

可謂花多眼亂!

顏色方面似乎以季節分區,

春天1月 - 4月 是偏雅致浪漫的淺粉色系.

夏天5月 - 8月 有鮮明的粉紅, 橙, 黃色系迎接夏日

秋天9月- 10月 開始出現女性化的紫和藍.

冬天 11月-12月 配合聖誕等節日的紅色, 金色等奪目色系.

這是1月份的花 ~! 相當可愛的色調!

歡迎留言~ 謝謝 :)

Haku EX

每年接近夏天, 各廠都紛紛推出美白商品, 即使太陽再猛烈都唔怕曬成黑炭!

Shiseido 資生堂 今年為其下的美白精華 Haku 推出進化版 - Haku EX

有用過既朋友應該都知Haku 既美白效果好好, 由第一版開始係日本已經相當Hit,
今次廠商加強有效美白成份, 除左 4MSK 同 傳明酸(トラネキサム酸 ) 之外,
仲添加新成分 [白蓮果(R) HA], 這是蓮子萃取物和玻尿酸的複合保濕成分,
令 Haku 成為美白保濕集中於一身的升級 version!

對減退黑班有超卓效果, 使用數天已經可以 feel到肌膚變得有透明感!

早晚使用, 洗臉---> 爽膚水--->Haku EX---->乳液
想加強功效可加入按摩手法, 詳細可按此!

*小知識*

4MSK-
具有抑制黑色素生成的效果, 更能調整角化過程不順的狀況.
4MSK能使受損部位的因子量恢復, 讓黑色素排出過程中各層面的因子都能發揮作用.

傳明酸-
是一種在保養品上已獲得專利權的美白成分.
多年的臨床研究已證實傅明酸能速效地美白及淡化斑點, 令肌膚呈現白皙柔潤、明亮晶透的完美膚質.


20g (可用1個月)
45g (可用2個半月)