記得這個可愛的包裝嗎?
早前推出過潤手霜的 "好朋友", 現在還出了SPF25/PA++ 的"好朋友UV CREAM",
齊齊對抗太陽紫外線的威力!
仍然是睇見到想笑的黃色頭紅帽仔~ 仲戴左副"超"添!
隨盒附送多2款時尚太陽眼鏡.....................................貼紙! 可以同好朋友換下Look :)
除左得意外表, 內涵都好重要, 其實我對呢一間廠商(Prestige 株式會社) 好陌生, 完全未用過佢既產品, 但試用過呢隻UV cream 後覺得非常ok喎, 驚喜~
純白色, 搽左唔會變白面人.
沒有香味, 但有輕微太陽油味.
清水已可輕易洗淨, 適合一家大細使用!
首先講下質地....有點難以形容, 我從未用過呢種質地, 好似.....實正既豆腐, 有d彈力咁...請大家幻想一下.....
推開個後質地變乳液, 用好小份量就搽到好大範圍, 上圖我手指上的份量足夠全面用!
記得一定要搽薄薄地就夠!
剛搽勻會有d"笠", 過左2分鐘左右就吸收哂變得乾爽, 唔會油膩.
我呢2日都用佢做 "化妝下地" 即係底霜, 早上用完阿婆洗面粉就直接用好朋友UV cream. 沒搽其他保濕, 之後就上粉底化妝各樣, 睇天氣報告濕度得4-50度左右, 都算乾燥, 但我覺得無事喎, 塊面一 d都唔乾, 唔會猛猛緊, 又無甩皮, 個妝貼過平時好多, T位仲出少左油, 下午補妝又唔會"cake"粉, 放工個妝仲好靚, 成件事好掂喎!! 讚!!
我試過用粉底液 同埋 2-way cake既配搭, 2樣都無問題, 個妝 keep 耐左好多! 保濕效果Good!
可愛實用, 送禮自用兩雙宜 :p
今夏強烈推薦!!
6 則留言:
好得意x)
如果淨係用呢隻當base都得?
你係乾性皮膚?如果面油多既岩唔岩用架=3=
如果天氣報告濕度有成60~90, 用左會唔會好笠係咁出油/_\?
thz=)
可以用黎做base!
我係混合性皮膚的, 用左佢T位d油反而出少左, 我用佢之前咩都無搽的.
初上面係dd笠嫁, 不過2分鐘左右吸收左就變清爽, 最緊要唔好搽過多份量.
希望幫到你 :)
EE.咁即係都應該岩我用=)?!
因為我打算買obris個隻clear既L.. 之後再用呢個當base, 因為宜家化妝都好易出油! 想搵d base, 咁岩見到呢隻好得意x)
見到你話反而出少左油, 好開心! 多謝你*v*
唔駛客氣 :)
幾$$$呀??
你好,HKD58,但以店鋪售價為準, 詳情請向店員查詢, 謝謝~
發佈留言