Orbis 清爽防曬噴霧

今天外出吃午飯時, 發現好好天氣, 仲曬左好多....

雖然氣溫唔太高26度左右, 不過都唔可以睇小紫外線既威力,

"拿拿聲"介紹下防曬用品俾大家先 :)

我一向都會用有防曬的粉底, 所以好少單買面部防曬,

反而 Body 專用既就會成日試下邊隻好,

上年夏天我就用過Orbis 呢一隻"清爽防曬噴霧", 覺得幾好, 今年都會再入貨.

我對防曬既要求第1個就梗係唔可以俾我曬黑啦!

而且絕對唔可以"痴笠笠", 夏天咁熱已經流哂汗, 如果隻防曬仲要係笠既就真係接受唔到,

俾男朋友掂到D手腳咁笠真係好尷尬....好似好污漕咁!

呢隻噴霧 就一定無問題, 佢係超微細清爽粉末, 真身用過一D都唔會笠,

著左絲襪都噴得添!

同埋佢係壓縮噴霧, 即使成支倒轉噴背脊都OK, 全方位都做到防曬!

防曬度數SPF20 / PA+ , 唔係好高但上班行街夠哂,

而且佢係噴霧, 擺定係手袋隨時補幾下都好方便.

(容量80g, 中型手袋一定放到, 而且唔重!)

含有薄荷清爽成份, 噴落去涼涼地, 夏天30幾度用都真係好舒服架~!

貫徹Orbis 既特色 : 無油份、無香料、無染色料, 敏感肌都適用.